Ég um mig frá mér til mín

Bara af því að ég á að vera að lesa undir próf.

2011-12-07T13:55:00.004Z

Það er aldrei betri tími til að flikka aðeins uppá bloggið sitt en þegar maður á að vera að lesa undir próf.

Var að skoða myndir frá því við vinkonurnar héldum okkar árlegu LitluTyppaJól. Rakst á þessa mynd sem sýnir hversu ótrúlega metnaðarfullar og hugmyndaríkar vinkonur ég á.
Við höfum alltaf pakkaleik nema ,,tvistið" í þessum er að gjafirnar þurfa að vera heimatilbúnar. Þegar við gerðum þetta fyrst þá bjóst ég ekki við að við myndum halda þessu áfram ár eftir ár. Mikið óskaplega er ég samt ánægð með það. 3 dögum fyrir LitluTyppaJólin, ár hvert, er ég við það að bugast vegna þess að hugmyndin er ómöguleg og framkvæmdin enn verri. Það gleymist svo alltaf þegar pakkarnir eru opnaðir. Þeir eru hver öðrum flottari og allar svo ánægðar með sinn. Ég er þegar farin að hlakka til að sjá pakkana að ári.

Best að fara að leggja höfuðið í bleyti um hvað ég töfra fram.

Jólin,jólin og allt sem þeim fylgir

2008-12-25T13:07:00.002Z

Nýt jólanna í faðmi fjölskyldunnar.

Yndislegt aðfangadagskvöld liðið með öllu tilheyrandi.

Í dag, jóladag, er ferðinni heitið í árlegt jólaboð föðurfjölskyldunar. Að þessu sinni er það í Reykjavíkinni. Ágætt að fara í bæinn þar sem ég þarf að ná í eina jólagjöf sem gleymdist þar....klaufinn ég.

Líklega verður svo farið í Borgarnes annaðkvöld og kíkt á öldurhús bæjarins.

Á sunnudaginn skrepp ég svo á Selfoss í brúðkaup Sólveigar og Hróbjarts...ekki leiðilegt það.

Á svo eftir að vinna einn dag á leikskólanum...þriðjudaginn þrítugasta...eftir það tekur við undirbúningur reisunnar miklu með smá hléi til að fagna áramótunum.

Í dag eru 12 dagar þar til lagt verður í'ann. Óhætt að segja að smá spenningur í bland við stress sé komið í mann. En þetta veður stórkostlegt.

Ætla mér ekki að blogga hér á meðan ferðalaginu stendur....hægt er að fylgjast með ævintýrum okkar þremenningana á:

http://www.worldtryppi.blogspot.com/

Endilega kíkið við :)

Seint skrifa sumir en skrifa þó.

2008-10-22T16:58:00.003Z

Þrátt fyrir efnahagshrun og leiðindi á landi ísa þá hef ég það fínt. Ég gerðist villt og ákvað að ditsa alla neikvæðni og svartsýni og finna mér eitthvað að hlakka til í svartasta skammdeginu.

Ég gerði mér lítið fyrir og pantaði 3 mánaða ferð til fjarlægðra og framandi landa ásamt ástkonum mínum þeim Ingibjörgu og Margréti.
Við ætlum sumsé að flýja land 6. jan og halda til Ástralíu og Asíu....úúú ég get vart beðið. Byrjum á Ástralíu í mánuð. Förum þaðan til Tælands, Laos og Kambodíu og endum í Kína. Unaðslegra getur það ekki verið. Meiri fréttir af ferðinni síðar en við erum allavega komnar með farmiðana í hendurnar og hættum ekki við héðan af.

Ekki veitir af að hafa það gott á þessum síðustu og verstu.

Hér verðum við.

Hér....

og hér...

Lífið gerist ekki öllu betra.

Lóan er Komin - í flutningi Auðar og Bergþóru af Berginu

2008-09-25T20:48:00.001Z

Tók mér það bessaleyfi að birta þetta myndband af fíflinu og systur hennar. Seint verður sagt að Sauður hafi mikla blokkflautuhæfileika eins fölsk og hún hljómar en hún vegur það upp með fegurð sinni blessunin.

Gulla svöl á Dr.Spock

2008-08-03T00:33:00.001Z

Tvíbbarnir...

2008-08-01T23:57:00.001Z

Gullan og Sæsan

Thetta er fyrir thig...

2008-08-01T23:54:00.001Z

..Steinunn

Sökker

2008-07-05T21:26:00.001Z

Ég fór í Kubb í dag sem er kannski ekki frásögufærandi nema fyrir þá staðreynd að ég sökkaði stórlega.Þrátt fyrir ad vera í þrem mismunandi liðum með prýðisgóðum meðspilurum þá náði mitt lið alltaf að tapa og tel ég ad leikur minn hafi klárlega eitthvað með það að gera.Ég verð greinilega að fara í strangar æfingabúðir fyrir næstu keppni.Annars vil ég þakka keppendum dagsins þeim Margréti,Lindu,Helenu,Árna Steinari og Sigmari drengilega og góða keppni.Önju Sæberg vil ég líka þakka góða hvatningu,hennar vegna lét ég aldrei deigan síga. Til gamans má geta að á myndinni má sjá Möggu og Lindu gera sig líklegar til að rústa einum leiknum sem og þær gerðu.

Sumt verður maður hreinlega að éta ofan í sig

2008-06-28T18:11:00.002Z

Ég hef eflaust einhverntíman hneyklast yfir fólki sem fer á (barna)ævintýramyndir í bíó og skemmtir sér vel yfir þeim.

Reyndar hef ég gaman af Harry Potter og séð þær 2 í bíó en hef hinsvegar haft mikla fordóma gagnvart Narniu-myndunum.

Ég verð hér með að éta það ofan í mig og koma út úr skápnum með það að ég fór á Narniu-2, Prince Caspian í bíó áðan, reyndar í vinnunni en hvað með það ég skemmti mér svona stórvel og hef meira að segja hugsað mér að sjá fyrri myndina í bráð og hlakka til þegar sú þriðja kemur í bíó.

Ég held samt að hrifning mín á myndunum sé mikið til komin vegna þess hversu aðalleikarar hennar eru heitir þ.e. karlpeningurinn. Tveir þeirra eru reyndar algjör unglömb og líklega verð ég litin hornauga fyrir að hrífast af þeim en hvað um það....þeir verða orðnir eldri í þriðju myndinni:)

Til gamans má geta að drengirnir eru fæddir árin 1981, 1987 og 1991....já ok þessi ´91 er fullungur og kannski ekki kynþokkafullur en sætur er hann. Þess vegna birti ég ekki mynd af honum hér heldur bara hinum tveim......sjáið bara....

Þeir tveir eru alveg næg ástæða fyrir að sjá myndina....ég segi ekki annað.

Kvöldmaturinn

2008-06-27T19:42:00.001Z

Grillaður ananas í sykurlegi með súkkulaðisósu og ís.O my o my.

Útskriftardagurinn

2008-06-14T11:01:00.001Z

Vid Steinunn bídum spenntar eftir ad útskriftin hefjist:-D Á eftir hef ég bodid stórfjölskyldunni í smá veislu og svo er planid ad halda ærlega uppá thetta í kvöld í midbænum.Yndislegt semsagt;-)

Londrhs

2008-06-05T12:28:00.001Z

Steinunn og Jóhanna fyrir framan íbúd drollunnar.Beta er tharna útí glugga. Sitjum núna í Green Park í steikjandi hita og sól.Unadur!

London hér kem ég

2008-06-03T22:14:00.002Z

Farin til London....á flug kl.7:40. Kem til baka seint á sunnudagskvöld.

Ætla mér að njóta lífsins í Londres þessa daga, unaður frá a-ö.

Aldrei að vita nema ég skelli einhverjum myndum hérna inn.

Á reyndar eftir að pakka sem er ótrúlegt þegar ég er annarsvegar...kannski ég drífi í því svo ég geti sofið aðeins í hausinn á mér.

Þið sem eftir verðið á klakanum hafið það gott:)

Party og co og bjór

2008-05-31T21:48:00.001Z

Fokking gód tvenna

Hvað skal segja, hvar skal byrja

2008-05-28T21:40:00.002Z

Núúú lífið leikur við mig eins og fyrri daginn.

Byrjuð að vinna og hef furðugóðan hemil á krakkagemlingunum. Missti reyndar röddina eftir fyrstu vinnuvikuna en hún er öll að koma til baka.
Held ég eigi bara eftir að una mér vel í leikskólanum....ég er jú á sama plani og sum börnin:) Ekki er verra að fá að vera úti mikinn hluta dagsins og vera því í sólbaði á kaupi....því jú sólin er á leiðinni og ætlar að staldra við í ALLT sumar.

Næst á dagskrá í mínu lífi er yndissumarbústaðaferð um helgina með nokkrum stúlkukindum. Planið er að slappa sem mest af.

Ekki veitir af þar sem rétt tæp vika er í Londresferð mína með Steinku og Jóu. Ó mæ Ó mæ.
Verð víst að hafa næga orku í búðarráp og skemmtilegheit.
Missionið er að finna guðdómlegt útskriftardress því ég er jú að útskrifast 14.júní. Á reyndar enn eftir að fá eina einkunn en hef ekki áhyggjur. Hefði einmitt átt að vera aðeins stressaðri yfir B.A.bjútíinu mínu. Fékk 9 fyrir meistarastykkið og gæti ekki verið ánægðari.

Nóg af tilgangslausum sögum úr lífi mínu.....best að upphefja sjálfa sig aðeins með því að birta frétt af miður gáfuðum manni....

Reyndi að blása upp son sinn
Kambódía Kambódískur faðir verður líklega ekki ákærður fyrir að slasa fimm ára son sinn alvarlega með því að reyna að blása hann upp.
Kambódía Kambódískur faðir verður líklega ekki ákærður fyrir að slasa fimm ára son sinn alvarlega með því að reyna að blása hann upp. Hrein heimska er nefnilega ekki ólögleg, að sögn þarlendrar lögreglu. Faðirinn dældi lofti inn í drenginn með því að stinga loftþrýstislöngu upp í endaþarm hans. Hann kvaðst aðeins hafa verið "að leika sér með stráknum".
Drengurinn var fluttur með hættulega útþaninn kvið á sjúkrahús en er allur að braggast. Faðirinn sér að sögn mikið eftir fíflaskapnum.

...blessaður maðurinn stígur ekki í vitið annað en ég huhumm

Þarf ég að segja meira.....

2008-05-23T23:42:00.001Z

Stjörnuspáin mín í dag.....23.maí

Vatnsberi: Þú ert að verða öðrum ómissandi, og finnst þú töff. Undirniðri kraumar spurningin um hvað þetta gefur þér. Hvernig þér líður með sjálfan þig skiptir öllu máli.

...ykkur að segja líður mér mjög vel með þetta allt saman:)

Gasuda Damada, Skål, Skál!!!

2008-05-10T20:26:00.003Z

Er svo uppgefin en líður samt svo vel.

Síðasta sunnudag var ég enganvegin að nenna að takast á við vikuna sem framundan var.
Kom mér í norrænt samstarf í skólanum ásamt stelpunum mínum og til kastanna kom var ég svo ekki í gírnum til að mingla við nýtt fólk, vera hress og gáfuleg.

En núna þegar vikan er liðin væri ég alveg til í að endurtaka hana aftur og aftur.

Það var svo gaman og það líklega allt skemmtilega fólkinu sem ég kynntist að þakka.
Danirnir voru ligeglad og Grænlensku stelpurnar hressar.

Dagskráin var þétt, fjölbreytt og skemmtileg. Dagarnir byrjuðu á hristi-saman leikjum, svo voru fyrirlestrar og umræðuhópar. Fórum líka í nokkrar heimsóknir og eyddum heilum degi í að skoða fallega landið okkar.
Að sjálfsögðu gleymdum við ekki að skemmta okkur og var haldið megapartý á þriðjudaginn, minna á fimmtudaginn og enn minna á föstudaginn.
Þriðjudagspertýið sló allt út. Jesús góður.....það var drukkið og dansað og það voru nágrannar mínir ekki hressir með, vægast sagt. Svo óhressir að þeir sendu lögguna á okkur. En það var í lagi.

Kannski er ég full dramatísk en ég svíf á bleiku skýi.....og stelpurnar eru örugglega sammála mér.
Nú er ég í sveitinni og þarf aðeins að hlaða batteríin því þau eru galtóm. Kannski ég losi líkama minn við allt alkohóið sem ég innbyrgði...úff. Þarf líka að rifja upp íslenskuna mína...blanda af íslensku, dönsku, ensku og spænsku í fimm daga fór alveg með mig.

Æjjj

2008-05-01T16:25:00.002Z

Eins mikið og ég elska sólina þá finnst mér hálf fúlt af henni að vera að skína svona skært þegar ég þarf að vera inni að læra. Hún má alveg bíða með þetta þangað til eftir helgi.

Ég er samt búin að stelast nokkrum sinnum út í dag til að njóta geisla þessarar elsku. Sat með kaffibollann minn áðan í algjörri steik...endaði á því að flýja inn, svo heitt var mér. Ótrúlegt hvað maður getur kvartað, það er annaðhvort of eða van. Ég hlakka til sumarsins, þá er margt á döfinni og engin tími til annars en að njóta lífsins.

Ég sit sveitt þessa stundina við að klára BA drusluna, tími til komin. Satt best að segja er ég að verða hálf leið á þessu ,,meistarverki" mínu.

Mánudagurinn er dagurinn. Þá sendi ég hana frá mér og hætti að hugsa um hana í bili. Meðgöngutíminn búinn að vera ansi langur, fæðingin innan seilingar og barnið verður fullorðið áður en maður veit af. Þá verður það að bjarga sér sjálft. Ég bíð bara eftir að sjá hvað verður úr því.

Ráðstefna útskriftarnema í Þroskaþjálfun

2008-04-27T13:06:00.003Z

Þá fer að koma að því.
Kynningar útskriftarnema í þroskaþjálfun á lokaverkefnum sínum eru á morgun og hinn. Dagskráin er mjög fjölbreytt og spennandi.
Ég flyt minn fyrirlestur kl:13:00 á morgun, mánudag.
Heitir hann: Tákn með tali í leikskólum, hagnýtt en vannýtt?

Endilega sem flestir að mæta ;)

Dagskráin er hér

Smá breytingar...

2008-04-19T11:22:00.002Z

Það er náttúrulega til háborinnar skammar að ég hafi gleymt mjög svo merkilegum atburði í upptalningu minni hér á undan. Þessi atburður er þrítugsafmæli systur minnar og mágs reyndar líka. Ég biðst innilegrar afsökunar, að sjálfsögðu eru þessir dagar greyptir vel í minni mitt.
Kannski var þetta reyndar með ráðum gert þar sem ég var ekki viss um að þau vildu að minnst væri á það á veraldarvefnum hve gömul þau eru að verða.
Oddný verður sumsé þrítug 24. apríl og Stefán 31. maí. Merkisdagar báðir tveir.

Svo var að bætast annar gleðiatburður inná dagatalið mitt en það er ferð til Danaveldis. Keypti mér vikuferð til veldi Margrétar á spottprís í júlí. Ætla að heimsækja áðurnefnd hjónaleysi og dætur þeirra og svo staldra ég líka við í Köben til að knúsa vinkonur mínar þar....og kannski ég fái eins og eina skeið....huhum Hulda:)

Tilhlökkunarefni næstu daga og mánuða

2008-04-11T10:46:00.002Z

Það er einhvernvegin svo fullt af hlutum sem ég get glaðst yfir þessa dagana. Nóg að gera í skólanum, sem sér nú fyrir endann á, og nóg að gera utan hans.
Dagskrá næstu viku og mánaða er svo stútfull af skemmtilegum hlutum. Unaður!

Í dag. Vísindaferð í Vogana....ekki á Vog nota bene. Dagskrá frá 13:30-20:00. Ætli gleðin haldi svo ekki áfram langt fram á nótt.
Morgun. Fer heim í sveitina og verð allavega fram á fimmtudag. Þarf að klára 2 verkefni.
18. apríl. Mjög áhugaverð ráðstefna Félags um fötlunarrannsóknir. Skila líka Leiðabókinni úr verknáminu, kláraði einmitt verknámið í gær sem var yndislegt þó ég hefði alveg verið til í að vera nemi aðeins lengur:)
20. apríl. Lítil brúðkaupsveisla....ekki hjá mér nota bene.
22-25. apríl. Síðasta staðlotan í náminu obbobobbo
25. apríl. Kokteilboð hjá Þroskaþjálfafélaginu og partý hjá útskriftarnemum.
28-29. apríl. Ráðstefna útskriftarnema þar sem við kynnum lokaverkefnin okkar. Endilega allir að mæta uppí Kennó og hlusta á mjög áhugaverða fyrirlestra okkar. Ég flyt minn um 1 leytið á mánudeginum ;)
5. maí. Lokaskil á BA. Úffpúff...sé fram á svefnlausar nætur þar á undan en þungu fargi af mér létt þegar þessu er lokið.
5-9. maí. Norræn samstarfsvika. Tökum á móti dönum og grænlendingum, fræðum hvert annað og skemmtum okkur saman.
9. maí. Skila síðasta verkefninu í Kennó....vonandi allavega.
13. maí. Byrja líklega að vinna á leikskólanum Sólborg sem þroskaþjálfi....oboj þetta er víst að verða að raunveruleika.
21, 22 og 24. maí. Eurovision. Say no more.
4-8. júní. Londres með Steinunni og Jóhönnu. Ó hvílík unaðsferð sem það verður.
12. júní. James Blunt í höllinni og ástkær systir og fjölla koma á klakann.
14. júní. Útskrift. Jább þá verður maður virðulegur þroskaþjálfi.
16. júní. MA reunion.

Heill hellingur að gera sem er bara gaman. Verður samt mjög gott að klára næstu 2 vikur....smá stress í gangi fyrir þær en reyni að vera slök.

Þigg alveg smá dekur eftir þetta allt saman, hver býður sig fram;)

Súkkulaðivímunni er lokið

2008-04-01T22:33:00.003Z

eða svo gott sem.

Kom endurnærð í hinn kalda raunveruleika á sunndagskvöldið eftir að hafa eytt helginni með Jóhönnu og Steinunni og pínu Gullu í bústað í Brekkuskógi. Gerðum ekkert nema slappa af, læra, borða, drekka, fara í pottinn, hanga, borða aðeins meira, drekka aðeins meira, syngja, fara meir í pottinn og svona leið helgin í unaðslegheitum.
Svo ég var endurnærð þegar heim var komið.

Því miður tók stressið og leiðindin aftur við strax á mánudagsmorgun og ég sé ekki fyrir endann af þeirri vitleysu fyrr en eftir viku. Leiðabókaskil á mánudag og BA-ritgerðarskil á þriðjudag.....ómæ ómæ
Svo ég verð leiðileg þangað til með kannski smá pásum á fimmtudags, föstudags og laugardagskvöld. Maður verður að sinna félagslífinu aðeins svo maður verði ekki alveg klikk.

Átti yndælt kvöld með Pétri mínum í kvöld. Verst að við vorum sitthvoru megin hvíta tjaldsins. Fór sumsé að sjá Stóra Planið áðan....ágætis afþreying það. Kannski ekkert meistaraverk en alveg hægt að hlæja að henni.

Nú þarf ég hinsvegar að sofa í hausinn á mér til að vera til í slaginn á morgun....nóg að gera

Gleðilega páska!

2008-03-23T09:59:00.003Z

Sykursætur morgunmatur hjá mér eins og flestum öðrum.

Hefur aldrei fundist páskaeggin sjálf neitt sérstök heldur er það málshátturinn sem vekur mesta eftirvæntingu hjá mér. Það er af sem áður var þegar ég fékk stundum 5 páskaegg, nú eru þau 2 og ekki af stærstu gerð. Neinei þau eru nr. 2. Mamma ætlaði nú bara að gefa mér eitt en ég tuðaði svo mikið að hún hreinlega varð að gefa mér annað. Ég er sátt....eitt hefði alveg dugað en að sjálfsögðu neitaði ég ekki. Ég er líka hálffegin að hafa ekki fengið stærri egg....ég meika ekki meira súkkulaði.

Málshættirnir að þessu sinni hljóða svo:

,,Enginn veit hvað átt hefur fyrr en misst hefur"

,,Betri en beiskur sannleiki en blíðmál lygi"

Eigið gleðilega páska....ég ætla að halda áfram að borða...

James Blunt

2008-03-19T13:41:00.001Z

Kannski ekkert uppáhalds tónlistarmaðurinn minn en samt varð ég öll spennt í morgun þegar ég frétti að hann væri á leiðinni til landsins.
Held það sé pottþétt mál að ég fer á tónleikana hans 12. júní.
Komst að því áðan þegar ég hlustaði á lögin sem ég er með á i-podnum að það er vel hlustandi á ansi mörg þeirra.
Ætla ekki að missa af þessu tækifæri.
Hver kemur með?

...

2008-03-17T09:16:00.002Z

Mér finnst alltaf jafn gott að vakna í sveitinni.
Það er eitthvað svo hljótt og rólegt hérna. Enginn umferðarniður eða læti í skólabörnum eins og í Reykjavíkinni. Fuglarnir syngja lög fyrir mann eins og þeim sé borgað fyrir það.

Núna hefur samt eitthvað breyst.

Klukkan ekki nema rétt rúmlega 9 og drengurinn í næsta húsi lemur á trommurnar sínar eins og enginn sé morgundagurinn. Ef þetta heldur áfram næstu morgna þá finn ég mig líklega knúna til að fara yfir og biðja hann vinsamlega að hætta. Þetta tromm passar ekki inn í mynd mína um rólegan og notalegan morgun á Hvanneyrinni.

Gærkvöldið

2008-03-12T17:42:00.003Z

Ég, Steinunn og Felli minn áttum heitt stefnumót við hann þennan og vini hans í Kommúnuninni í gærkvöldi. Heitt var það.

Við áttum svo góða stund saman. Var með fiðrildi í maganum allan tímann og brosið fór vart af mér. Þvílík skemmtun.

Þau voru öll svo flott saman og óhætt að mæla með þessari sýningu. Fyndið líka að maður tekur ekkert eftir því að leikið er á íslensku, ensku og smá spænsku. Mjög skemmtilegt.

Eiginlega skömm af því að missa af henni þar

sem möguleiki er að sjá svo góða leikara eins og hann Gael, Elena Anaya og að sjálfsögðu allt liðið í Vesturport. Gael er líka léttklæddur í stykkinu sem er ekki verra:)

Vissi svo sem ekki mikið um Elena en googlaði hana og hún er náttúrulega ekki leikkona af verri endanum lék t.d. í Hable con ella sem er ein af mörgum góðum spænskum myndum.

Nú þarf ég eiginlega bara að setjast yfir allar myndirnar með þeim tveim.

Allir í leikhús á Kommúnuna!

Að gefnu tilefni

2008-03-10T14:05:00.005Z

vil ég benda á að ég er ekkert alltaf upptekin þó mikið sé að gera hjá mér.
Ef einhver vill hitta mig þá er um að gera að bjalla bara eða líta við í Bólstaðarhlíðinni.
Ekki sitja bara heima og kvarta að ég hitti ykkur aldrei...ég er alltaf til í að hitta ykkur, með góðu skipulagi er allt hægt;)
Ég veit að ég er heldur ekkert sú duglegasta að vera í sambandi en ég reyni að bæta mig.

Fyrstir koma, fyrstir fá:)

Og hana nú!

Árshátíð Kennó

2008-03-02T11:15:00.002Z

var á föstudaginn á Broadway. Skemmti mér ansi hreint vel enda félagsskapurinn ekki af verri endanum. Mætingin hjá bekknum hefði að sjálfsögðu mátt vera betri en við 6 sem mættum gerðum gott úr þessu. Síðasta árshátíðin hjá Kennaraháskólanum þar sem hann er að sameinast HÍog svo síðasta árshátíðin hjá mér þar sem ég er að útskrifasst. Þess vegna gat maður ekki annað en mætt.

Hittumst heima hjá mér í smá fordrykkju áður en haldið var á Broadway.

Maturinn, skemmtiatriðin, veislustjórinn og ballið stóð allt fyrir sínu.

Læt bara fylgja með nokkrar myndir...

Heilsan í gær var kannski ekki alveg uppá sitt besta en ótrúlegt en satt þá rjátlaðist þynnkan af mér ansi fljótt. Nóg af vatni, svefni og hangsi gerði mér gott.

Fór svo að sjá Flugdrekahlauparann í gærkvöldi. Varð ekki fyrir vonbrigðum, falleg mynd um hræðilega atburði. Myndin fylgdi bókinni vel eftir þó ég verði nú að viðurkenna að bókin var mun betri enda ein besta bók sem ég hef lesið.

Í dag er planið að læra, eta og vera glöð.

Brunch á Vox í boði Ingibjargar er aðalliðurinn í dagskrá dagsins. Ekki amalegt það.

Ég hef sagt það áður og segi enn...

2008-02-27T17:20:00.003Z

...tíminn líður alltof, alltof hratt þessa dagana. Alveg að koma mars og ég ekkert farin að gera af viti. Kannski ekki alveg en mér hefur allavega ekki orðið nógu ágengt í BA-skrifum eða öðrum verkefnaskrifum. Trúi því að með styttri tíma til skila og því meira stressi komi þetta allt saman og ég fari að skrifa eins og vindurinn.

Kannski eru vinna og almenn félagsstörf að taka of mikinn tíma frá mér. Ég tími samt ekki að sleppa því.

Nú það sem á döfinni er, er t.d.:

matarboð í kveld á Reynimelnum þar sem Anna Friðrika og Sigríður hafa komið sér fyrir,
á föstudaginn er árshátíð Kennó...síðasta að tvennu leyti, ég er klára skólann og skólinn er að hætta í sinni eiginlegu mynd þ.e. sameinast HÍ og þar með verður árshátíðin með öðru sniði. Kjólinn hangir inní skáp, miðinn á kommóðunni, fyrirpartý planað en enn vantar skó og sparls. Það kemur.
4 vikum af verknámi að ljúka á föstudaginn. Finnst ég hafi byrjað í gær. Við tekur ein vika í staðlotu og svo aftur verknám. Mikið hlakka ég til að fara aftur í verknámið. Er að fíla mig í botn og fæ að sjá og gera heilan helling.
Ekki má gleyma vörutalningunni í Hagkaup..nú er verið að safna fyrir einhverju útskriftargeimi.
Líklega bæði Friðgeir og Jói í næstu viku mmmmm ekki amalegt það.
Búin að panta miða á Kommúnuna 11. mars. Stefnumót mitt og Gael Garcia er því á næsta leyti.
Páskarnir eftir rétt rúmar 2 vikur. Unaður, býst við að eyða þeim að mestu leyti heima í faðmi fjöllunnar og BA-ritgerðarinnar enda þýða páskarnir aðeins eitt...ekkert jesú kjaftæði nei nei þeir þýða að það styttist ógurlega í fyrstu skil ritgerðarinnar. Fjör fjör.
Þegar páskunum lýkur ætla ég að hlusta á alla geisladiskana mína eins og enginn sé morgundagurinn því þá fæ ég afmælisgjöfina mína frá fjöllunni....hef ekki átt geislaspilara síðan fermingargræjurnar gáfust upp á mér.
Óóó fallegt er það

Nóg í bili.....ég var víst með markmið fyrir daginn í dag...efast um að ég nái þeim

Menningarleg í meira lagi

2008-02-18T13:58:00.002Z

Undanfarnar vikur hef ég lagt mig fram, meðvitað og ómeðvitað, um að verða menningarlegri ef svo má að orði komast. Menningin hefur að mestu leyti tengst leikhúsi og kvikmyndahúsum.

Á síðustu 3 vikum er ég búin að fara 4 sinnum í bíó sem er líklega oftar en á öllu síðasta ári.

Byrjaði á að sjá Brúðgumann sem var sérdeilis skemmtileg og kom það mér á óvart. Vissi svo sem ekki við hverju var að búast en ég skellti allavega uppúr nokkrum sinnum sem er sönnun þess að myndin var ágætis afþreying. (fann ekki mynd)

Næsta mynd sem ég sá var Atonement.

Afskaplega falleg mynd og vel leikin. Svolítið löng en hélt athygli minni engu að síður allan tímann. Hef aldrei verið sérstaklega hrifin af Keira Knightley en blessunin var bara nokkuð góð. Nú bíð ég spennt eftir að fá bókina að láni...býst við að hún sé enn betri.

Þriðja myndin var nú ekkert til að hrópa húrra fyrir og ekki mjög menningarleg svosem. Fór í vinnunni á Ástrík og olympíuleikana. Ekki mörgum orðum um hana að fara....annað en að ég sofnaði yfir henni. Segir ansi mikið.

Í gær fór ég svo á P.S. I love you. Ekta rómantísk/gamanmynd en hvað um það, falleg var hún. Henni hlotnast líka sá heiður að vera sú mynd sem ég hef grenjað hvað mest yfir. Ekki amalegur heiður það. Ég get svo svarið það að ég hefði þurft nokkrar servíettur með mér. Ég var ekki fyrr búin að jafna mig á einu grát atriði þegar annað byrjaði. Á tímabili lá við að ég fengi ekka.

Þessar aðfarir eru bara til marks um góða mynd. Að mínu mati má nefnilega gefa myndum stjörnur eftir því hve mörg tissjú fara í hana. Æ hún var falleg.

Nú svo fór ég í leikhús í síðustu viku. Sá Baðstofuna eftir Hugleik Dagsson. Gat ekki verið þekkt fyrir annað en að sjá allar sýningar eftir hann þar sem ég er mikill aðdáandi og á flestar bækurnar hans. Þessi sýning olli mér engum vonbrigðum svosem. Ég hló heil ósköp eins og við var að búast. Á tímabíli hugsaði ég nú með mér að súrari mann væri vart að finna og jaðraði við að súrleikinn væri of mikill. En á heildina litið fín sýning, þó ég verði að viðurkenna að Forðist okkur var lang best.

Ég ætla ekki að láta hér við sitja og á dagskránni er að sjá Kommúnuna eða öllu heldur Gael Garcia og jafnvel kíkja á listasafn. Svo það er nóg um að vera...

Phillarinn

2008-02-14T14:39:00.002Z

Þetta hafði Dr. Phil að segja um mig og persónuleika minn:

,,Others see you as fresh, lively, charming, amusing, practical and always interesting; someone who's constantly in the center of attention, but sufficiently well-balanced not to let it go to their head. They also see you as kind, considerate, and understanding; someone who will always cheer them up and help them out".

Það er nú meira hvað hann er eitthvað sætur í sér....og enginn skal efast um orð hans.

I'm still crazy for you, that's for sure....

2008-02-13T22:27:00.001Z

Ó já. Hætti ekki að elska þennan mann eða þetta lag sem hann hefur einhverra hluta vegna ekki gefið út enn.
Nennir einhver að leita hann Paolo minn uppi og færa mér hann. Ekki þætti mér leiðilegt að fá þessa elsku til að syngja fyrir mig í eigin persónu.

Þannig er nú það....

2008-02-08T15:03:00.000Z

Steinka strútur sagðist bara verða sjálf pirrpú þegar hún sæi sífellt Pirripú færsluna efst. Úr því verður að bæta.
Fyrsta verknámsvikan búin og er hún búin að vera hreint ansi góð. Mjög notalegt að koma aftur á Sólborg og hitta allt starfsfólkið og börnin aftur. Mér sýnist eftir þessa viku að ég eigi eftir að hafa nóg að gera sem er ekki verra. Nú er bara að spýta í lófana, held mér veiti ekki af því.

Framundan er unaðsleg vinnuhelgi. Efast um að ég geri eitthvað annað en að vinna og slappa af, hef líklega ekki orku í annað.

Fékk ,,miður" skemmtilega heimsókn áðan frá nágranna mínum úr næstu íbúð. Þá vildi hann bara benda mér á þennan gríðarstóra ,,lolla" sem var beint undir póstkassanum mínum. Ekki svo fögur sjón og vil ég helst ekki vita hvort hann hafi verið úr manneskju eða dýri. Sem betur fer brugðust húsverðirnir fljótt við og fjarlægðu óbjóðinn.

Næsta tilhlökkunarefni er næsta helgi þar sem ég hef fyrir löngu planað að fara heim í sveitina. Er farin að sakna fjöllunnar heilan helling og ætla því að skella mér í eilítið dekur til þeirra.

Pirripú

2008-02-01T20:17:00.000Z

Ég get ekki annað en verið svolítið pirruð núna, kannski er svekkt rétta orðið. Veit ekki. Ég ef allavega lifað í allmikilli afneitun síðustu þrjú ár ef svo má segja.
Ég vissi það mæta vel áður en ég valdi mér nám að Þroskaþjálfar væru ekki vel launaðir...vægast sagt.
Í dag var ég á Málþingi Þroskaþjálfafélags Íslands, Landsamtakanna Þroskahjálp og Kennaraháskóla Íslands og varð loks að horfast í augu við staðreyndirnar. 2
20.000-245.000 sirka eru þau byrjunarlaun sem í boði eru fyrir nýútskrifaðan Þroskaþjálfa eftir því hvaða starfsvettvang maður velur sér. Að sjálfsögðu er þetta fyrir utan allt álag og aukatíma en come on, byrjunarlaun eru þetta. Þetta er allt sem maður fær eftir þriggja ára háskólanám piff.
Ég var farin að láta mig dreyma um að vinna svona einu sinni 8-4 vinnu og vera í fríi um helgar en það er líklega ekki í boði ef ég vil fá eitthvað útborgað. Jahh eða bara svo ,,vel" að ég geti lifað af laununum mínum. Oooo.
Eflaust segja einhverjir ,,en þú valdir þetta", já að sjálfsögðu gerði ég það en það á nú líka að vera þannig að maður geti valið sér starf og starfsvettvang í samræmi við áhugasvið sitt. Ég hef fundið mig í vinnu með fólki og þar ætla ég að vera en vil að starf mitt sé metið að verðleikum. Ég þarf líklega að bíða eitthvað eftir því.
Svolítið pirruð í augnablikinu en kannski að lund mín léttist eftir næstu kjarasamninga....ég stórlega efast.
Annars verð ég bara að lifa á gleðinni og hamingjunni sem starfið veitir mér heheh.

Jájá

2008-01-30T10:00:00.000Z

Það er ekki að spyrja að því að afmælisdagurinn var hreint yndislegur.

Byrjaði daginn á því að fara í vinnuna sem var bara notalegt. Fékk meira að segja afmælisköku og fallegt kort frá börnunum.

Aðalhúllumhæið var þó um kvöldið en þá heiðruðu nokkrar föngulegar dömur mig með nærveru sinni. Það var sumsé partý hér í híbýlum mínum fyrir útvalda enda íbúðin í minna lagi og heppnaðist gleðskapurinn glimrandi vel þökk sé stúlkunum öllum.

Hápunktur kvöldsins var án efa verið þegar ungur karlmaður birtist algjörlega óvænt og söng fallegt lag til mín. Fannst það svoldið vandræðalegt en surprise atburðir eru alltaf skemmtilegir og líklega það sem ég á eftir að muna hvað best eftir úr afmælinu.

Takk þið allar sem mættuð og takk kærlega fyrir mig! Fékk alveg glás af hrikalega fallegum gjöfum....sem þýðir klárlega að maður á alltaf að halda upp á afmælið sitt :)

Var ekki nógu dugleg með myndavélina en hér eru einhverjar myndir.

Ingibjörg, Kristjana og Helena hressar í byrjun kvölds

Habba og Thelma voru það líka

Svolítið vandræðalegt móment þarna en afskaplega fallegt:)

Ég og Steinunn, aðdáunin skín úr augum Steinunnar....ekki að spyrja að því.

Anna Margrét tók þemað alvarlega og mætti með þessi fallegu gleraugu

Við Steinunn sætar og fínar á leið út

Nokkrar fleiri myndir inni á Facebook.

Heilsan var hreint ekki svo slæm á sunnudeginum sem er ótrúlegt miðað við mig. Mætti í vinnuna um 4 og lifðu daginn af með ágætum.

Miðað við aldur og fyrri störf bjóst ég allt eins við tveggja daga þynnku en kannski aldurinn hafi bara svona góð áhrif...jah ég veit ekki, það á líklega eftir að koma í ljós.

~~~
Gaman líka að segja frá því að í gær gerði ég mér dagamun ásamt Steinunni, Jóhönnu og Gullu og fórum við að sjá Brúðgumann í bíói. Það er ekki annað hægt en að mæla með henni, allavega hló ótrúlega mikið...svo mikið reyndar að Gulla var að verða vandræðaleg við hlið, ekki að það þurfi mikið til. Væri alveg til í að sjá Ivanov núna sem handritið af Brúðgumanum er lauslega byggt á. Kannski maður skelli sér bara í leikhús bráðlega.

Skammdegisþunglyndi

2008-01-24T23:43:00.000Z

Ég er guðslifandi fegin að vera ekki þjökuð af þeim fjanda. Þvert á móti er ég aldrei hressari en í janúar. Janúar er nefnilega mánuður gleði og fagnaðar hjá mér. Sólin fer að hækka á lofti og svo eiga svo fáránlega margir afmæli að það er ekki annað hægt en að gleðjast dag og nótt. Fyrst og fremst á ég náttúrulega afmæli (bara að minna á það). Mér finnst ekkert erfitt að eldast. Skil ekki fólk sem fær fleiri og fleiri komplexa eftir þvi sem árin bætast við. Það er fátt skemmtilegra en að halda veislu, bjóða vinum sínum og hafa gaman. Það ætla ég að gera um helgina.

Því miður hefur mánuðurinn ekki verið eintóm gleði t.d. féll borgarstjórnin og eintómir trúðar tóku við, Heath Ledger blessaður lést og svo aðalmálið, Luxor eru hættir. Veit reyndar ekki hvort ég eigi að gráta yfir því eða segja I told you so heheh.

Ég læt þó ekkert á mig fá og tek fagnandi á móti laugardeginum þegar ég verð loks Tsuttugu og fimm og fabulous.

Ég lifi til að borða...

2008-01-21T20:07:00.000Z

Flestir borða til að lifa en það geri ég svo sannarlega ekki. Ég lifi til að borða eins og sést kannski á vaxtarlagi mínu. Alla síðustu viku hugsaði ég stanslaust um mat. Einhverjir gætu haldið að ég ætti við vandamál að stríða en ég tel svo ekki vera.
Mér finnst gaman að elda en enn skemmtilegra að fara í matarboð eða út að borða.

Það fór svo að ég eldaði aðeins einu sinni frá föstudeginum fyrir viku síðan þangað til í gær. Fór tvisvar í matarboð, annarsvegar í Friðgeir hjá Helgu J og hinsvegar til Thelmu minnar. Svo borðaði ég 3svar í vinnunni.

Að öllum þessum máltíðum ólöstuðum þá held ég að mest fullnægjandi matur sem ég hef smakkað lengi hafi ég fengið á föstudagskvöldið. Fór með nokkrum góðum stúlkum á Tapasbarinn í tilefni afmælis Þórdísar. Jesús, ég segi ekki annað. Ég fæ enn vatn í munninn við tilhugsunina um matinn. Fengum okkur allar Óvissuferð og var hver rétturinn öðrum betri. Ég get svo svarið það. Unaðsstunurnar sem heyrðust frá okkur eftir fyrsta bita af hverjum rétt voru svakalegar, svo undir tók á öllum staðnum held ég hreinlega.
Það er pottþétt mál að þangað fer ég fljótlega aftur.

Svo er bara spurning hvernig þessi vika kemur út matarlega séð. Það verður spennandi að sjá.

Í dag er ég ástfangin...

2008-01-16T13:23:00.000Z

...af tveimur hlutum.

Annarsvegar þessum tveim, Nikolaj og Julie, og þáttunum um þau. Kláraði að horfa á seríuna í gær, í líklega annað sinn, og ekki fæ ég leið á þeim. Þau eru bara svo falleg og allt fólkið í kringum þau. Fá mig til að hlæja og gráta og allt þar á milli.

Ef einhver hefur ekki verið þeirrar gæfu aðnjótandi að horfa á þessa þætti þá er minnsta málið að droppa við og fá diskana lánaða.

Í leiðinni gæti sá hinn sami fengið sér kaffisopa hjá mér úr unaðskaffivélinni minni sem er einmitt hinn hluturinn sem ég er ástfangin af í dag.

Hún er ekki bara falleg heldur gerir hún unaðsgott kaffi handa mér á örfáum sekúndum. Við eigum eftir að eiga svo góðar stundir saman mmmm.

e.s. Vil líka benda á hve yndislegt titillagið úr Nikolaj og Julie er, Right next to the right one eftir Tim Christensen. Það er hægt að hlusta á það hér. Ég er alls ekki sátt við Celine Dion sem er búin að gefa lagið út og hvað þá Einar Ágúst sem hefur gert íslenskan texta við lagið pifff.

Tim-arinn er EINI flytjandinn.

Litla gullið

2008-01-14T20:36:00.000Z

Það er nú ekki annað hægt en að monta sig aðeins af nýja bekkjarmeðlimnum.
Anna og Gilsi eignuðust litla dóttur 3. janúar og ég er svo heppin að vera búin að fara að sjá
dömuna.

Þarna erum við einmitt saman.

Vegna stærðarmunar sést meira af mér en henni en efast ekki um að þegar fram í sækir á hún eftir að ná mér.

Af augnsvipnum að dæma virðist henni finnast ég eitthvað skrýtin....ég er það líka:)

Það er komið að því

2008-01-10T19:55:00.000Z

Sæsan ætlar að snúa vörn í sókn gegn bumbunni og letinni.
Fór því og keypti mér 9 mánaða kort í Baðhúsið áðan. Keypti ekki aðeins kortið heldur púlaði heil ósköp. Komu minnar hefur greinilega verið beðið með eftirvæntingu og var því vel tekið á móti mér. Það sá hin eina sanna Linda Pé um. Með tárin í augunum (af gleði að sjálfsögðu) bauð hún mig velkomna. Ef ekki fyrir mig þá, fyrir hana mun ég reyna að mæta sem best. Ég má ekki bregðast henni.
Ótrúlegt en satt þá lét hún mig samt borga fyrir kortið. Æ, ætli hún millifæri það ekki bara til baka við tækifæri.

Vona að ég hafi ekki litið svona út.

Ástæða þess að ég er að skrifa um þessi kortakaup mín er fyrst og fremst til þess að sem flestir af þeim sem ég þekki viti af því og geti því hvatt mig áfram í að mæta í ræktina.
Ég held það veiti ekki af.

Enn sem komið er líður mér undursamlega, sjáum til hvort líðanin verði eins góð þegar ég fer frám úr rúminu í fyrramálið.

Nýtt ár, nýjir tímar

2008-01-08T21:57:00.000Z

Ég ætla rétt að vona að það séu fleiri í mínum sporum þ.e. að nenna ekki að snúa í hversdagsleikann á ný. Eftir rúmar tvær vikur af algjörum notalegheitum er alltof erfitt að þurfa að fara að gera eitthvað af viti.
Nýtt ár þýðir aðeins eitt hjá mér.....BA-ritgerð og verknám.

Ég verð líklega að sætta mig við að maður getur ekki endalaust hangið og haft það notalegt, ja allavega ekki eins notalegt og ég hafði það í Danaveldi yfir áramótin. Ef lífið væri alltaf svoleiðis fengi maður enga tilbreytingu í tilveruna og einskis til að hlakka til.

Ég eyddi sumsé heilli viku í Árósum yfir áramótin, frá 29. des til 6. jan og var það a-ö unaður.
Gerðum sem mest í því að gera ekki neitt heldur njóta þess bara að vera saman.

Brutum þó dagana upp á ýmsan hátt. Fórum t.d. í nokkrar góðar verslunarferðir, þurfti meira að segja að kaupa mér nýtt ferðatöskusett svo mikið var verslað. Heheh neinei ég var nú ekki svo kaupóð, mig sárvantaði bara nýja ferðatösku.

Nýju ári var fagnað á hefðbundin hátt eða svo til. Borðuðum dýrindis strút, lamb og kengúru matreitt af mági mínum. Kannski ekki hefðbundin matur en góður var hann.
Lögðum svo leið okkar upp á hæð eina í grenndinni til þess að skjóta upp gríðarmagni af flugeldum og auðvitað til að fá betra útsýni. Ekki dugði minna til en tvíburakerra til að ferja flugeldina því ekki var hægt að bera þá, heil flugeldasýning af bestu gerð þar á ferð.
Vorum í fyrra lagi þ.e. um 11 leytið en það kom ekki af sök þar sem Danir eru ansi sprengiglaðir, jafnvel verri en Íslendingar.
Horfðum svo á niðurtalningu frá Ráðhústorginu í Köben og skáluðum fyrir nýju ári. Nýársnótt eyddum við fyrir framan sjónvarpið sem var ekkert slæmt enda Madonna í öllu sínu veldi á skjánum.

Á nýársdag var farið í messu í hverfiskirkjunni. Ég er nú ekkert sérstaklega kirkjurækinn á Íslandi svo það hljómar kannski einkennilega að ég fari í messu í Danaveldi en satt best að segja var það bara nokkuð notalegt. Skildi kannski ekki allt sem prelli sagði en hvað um það, kórinn var góður og ég hafði sálmabók til að fylgjast með. Komst að því mér til mikillar skemmtunar að Faðir vorið er nánast eins á báðum tungumálum.
Á eftir var messukaffi þar sem boðið var uppá kransaköku og snafs. Kannski ég færi oftar í kirkju ef svoleiðis væri á boðstólnum hér.

Við nýttum svo dagana í að fara í sund í Horsens, Go-kart þar sem ég sannaði ökusnilli mína og gerði mér lítið fyrir og rústaði systrum mínum. Fórum svo í Legeland sem er stórt hús fullt af allskyns leiktækjum t.d. hoppuköstulum, uppblásnum rennibrautum, spilakössum o.fl. Ég viðurkenni alveg að þar inni varð ég móð af æsing og þurfti að setjast niður í smá tíma til að ná andanum. Ekki var verra að hægt var að setjast í nuddstól til að jafna sig eftir æsinginn. Algjör paradís fyrir stórt barn eins og mig.

Vikan í Danaveldi var sumsé unaðsleg og kom ég eins og alltaf með þynnra veski tilbaka en léttari lund. Góð skipti það.

Jólin,jólin....

2007-12-26T13:51:00.001Z

Búin að hafa það svakalega gott þessa fyrstu tvo daga jólanna.
Átti yndislegan aðfangadag með fjölskyldu minni og fékk margar fallegar gjafir. Fór í árlegt jólaboð föðurfjölskyldunnar í gær og litlu munaði að við yrðum veðurteppt í bænum vegna rosalegs snjóbyls. Þegar heim var komið tókum við systkinin match í Gettu betur og sem betur fer er ég enn gáfaðri en þau. Þess verður örugglega ekki langt að bíða þar til samkeppnin verður enn harðari.
Í dag fórum við systkinin svo út í snjóinn. Planið var að gera snjókarl en eitthvað gekk það erfiðlega svo við enduðum í snjóslag. Leiðilegt að segja það að þó litli bróðir minn sé 10 árum yngri en ég þá ræður hann alveg við mig í slag. Held ég verði að fara að lyfta svo ég verði klárari í næsta slag.

Ætla að halda áfram að hafa það notalegt í faðmi fjölskyldunnar. Ekki nema 3 dagar þangað til stórfjölskyldan verður sameinuð í Danveldi:)

Setti inn nokkrar myndir hér

Gleðileg jól

2007-12-24T13:38:00.001Z

Vil nota tækifærið og óska vinum og vandamönnum nær og fjær gleðilegra jóla og farsældar á komandi ári. Ég þakka fyrir allar ánægjulegu stundirnar sem þið hafið gefið mér á síðasta/u ár.

Það ætti ekkert að koma á óvart að ég sendi ekki nein jólakort þetta árið frekar en oft áður. Markmiðið fyrir næstu jól er að föndra öll kortin og senda heilan helling. Þar sem ég verð nú ,,bara" vinnandi manneskja þá ætti ég að hafa allan heimsins tíma huhumm.

Hafið það sem allra best yfir hátíðarnar og njótið tímans í rólegheitunum, það ætla ég svo sannarlega að gera.

Jólakveðja frá Sæsunni á Hvanneyri....þar sem snjóar og snjóar og er heitavatnslaust. Eins gott ég komist í jólabaðið.

Jólahreingerningin

2007-12-22T18:33:00.000Z

Ég er aldeilis búin að taka til hendinni síðan ég kom í sveitina. Í gær var eldhúsið þrifið og herbergið ,,mitt"tekið í gegn. Í dag var allt húsið skúrað og þurrkað af. Sérdeilis skemmtilegt. Hef ekki þurft að moppa gólfin neitt, mér til mikillar ánægju, því mamma keypti eitthvað tæki sem þýtur hér um gólfin og þrífur. Veit ekki hvað er í gangi með konuna en tækið virkar vel.

Einnig hef ég sett mikið í þvottavél enda finnst mér það gaman, veit ekki afhverju. Svo er komin nýr þurrkari á heimilið svo þurrkunin gengur eins í sögu.

Nú er ég hinsvegar sest niður með hvítvínsglas í hönd enda má það eftir erfiðið.

Á morgun höldum við systurnar í bæinn til að versla síðustu gjafirnar og taka jólastemmninguna í nefið. Þá mega jólin bara alveg fara að koma.

Dæræræ

2007-12-18T01:31:00.000Z

Tíminn líður alltof hratt fyrir mína parta þessa dagana.
Hef ekki einu sinni tíma til að komast í almennilegt jólaskap en það kemur vonandi þegar ég kemst í almennilegt jólafrí á fimmtudaginn.

Er í vinnunni sem stendur. Þrjár unaðslegar næturvaktir framundan. Allt með kyrrum kjörum eins og er, sem betur fer.

Var að vinna alla helgina en gaf mér þó tíma til að fara í tvö prýðisgóð partý. Já það er kraftur í kellu. Var líka svo fáránlega stabíl að bæði kvöldin sleppti ég því að fara í bæinn, það er ekki líkt Sæsunni. Ákvað bara að vera skynsöm svona einu sinni, kannski að það sé að aukast með aldrinum, veit ekki.

Alla systir ætlar svo að vera góð við stóru systur sína og ná í hana í bæinn á fimmtudag. Ætlum við systurnar að jólaspókast eitthvað í bænum. Þurfum að kaupa einhverjar gjafir. Það er vonandi að með fleiri visafærslum aukist jólaandinn í hjarta mínu.

Ætli það sé ekki best að ég noti tímann á meðan börnin sofa og geri eitthvað í þessu blessaða verkefni sem ég á ennþá eftir að skila. Djöfuls verkefni.

Ég ætti kannski líka að nota tækifærið og bregða mér í jólasveinabúninginn og lauma einhverju fallegu í skó barnanna :)

Það styttist...

2007-12-09T18:46:00.000Z

í jólin. Alveg greinilega.

Dreif mig í sveitina í gær, um leið og tækifæri gafst til.

Hefði farið fyrr ef ekki hefði verið fyrir bekkjarkvöldið sem var á föstudagskvöldið. Átti notalega stund með stórum hluta bekkjarins. Borðuðum góðan mat, fórum í pakkaleik, drukkum jóla,,öl" og spjölluðum. Eigum ekki að mæta í skólann fyrr en 21. jan næst svo kannski á ég ekki eftir að hitta sum af mínum ástkæru bekkjarsystkinum í meira en mánuð. Sussubía.

Kom svo rétt mátulega í sveitasvæluna til þess að skera laufabrauð.

Er ekki frá því að hæfileikar mínir í útskurðinum aukist með hverju árinu sem líður. Hætt að nota útskurðarhjólið og geri nú allt fríhendis, það er ótrúlega fullorðins.

Angandi af steikingarfýlu fjölmennti fjölskyldan á leik í Lýsingarbikarnum þar sem Skallagrímur vann (að sjálfsögðu) FSU. Alltof langt síðan ég fór á leik. Kannski ágætt að fara ekki á of marga þar sem ég held að hjartað þoli það hreinlega ekki. Fer alveg á límingunum af spenning.

Í dag er móðir mín búin að vera á öðru hundraðinu í smákökubakstri. Held að nú þegar séu 4 ortir tilbúnar og eigum við systurnar að baka 3 í vikunni. Heimilið ilmar því hreint unaðslega núna.

Hugsa að ég verði hér í sælunni fram á föstudag og reyni að rumpa síðasta verkefninu af. Get ekki sagt að það sé mikil tilhlökkun í því þar sem ég er löngu komin í jólafrí í huganum.En chop chop þetta hefst allt saman.

Ótrúlegir hlutir hafa gerst hér. Móðir mín keypti áskrift af Stöð 2 fyrir jólin, alveg af fúsum og frjálsum vilja. Þetta hefur bara aldrei gerst, sama hve mikið við systkinin höfum suðað síðustu árin. Ég veit því hvað ég á eftir að gera í fríinu með Rúv, Stöð 2, Sýn, Skjá 1 og Sirkus í húsinu. Það má því vænta þess að ég taki á móti nýju ári með all svakalega kassalaga augu.

í uppáhaldi núna

2007-11-30T23:58:00.001Z

Ég veit svoldið væmið lag en einhverra hluta vegna finnst mér það óttalegt fallegt þessa dagana. Held að það sé kannski vegna þess að ég er skotin í öllu sem Timbaland snertir enda gerir hann allt að gulli.

Styttist í að næstsíðastu önninni í skólanum ljúki. Er að berjast við að klára 2 verkefni. Fer svo í 1 próf á þriðjudaginn og á þá eftir að berja saman 2 verkefnum sem verður ,,sneið af köku".
Get ekki beðið er alveg að verða bensínlaus og þarf áfyllingu.

Jólaandinn

2007-11-23T12:37:00.000Z

Hef haft einhverja svakalega þörf undanfarna daga til þess að komast í jólaskap og fá jólaandann yfir mig. Ég gæti vissulega gert það á auðveldan hátt með því að skreyta híbýli mín og hlusta á jólalög en þar sem það er alveg bannað í huga mínum fyrir 1.des þá þurfti ég að finna aðrar leiðir.

Ég ákvað því að fá jólaskapið í gegnum magann og nasirnar, svona til að byrja með.

Fór því og keypti mér hitt og þetta, það er nefnilega til ótrúlega mikið af vörutegundum sem tengjast jólunum.

Fyrir það fyrsta keypti ég Jólahrísmjólk, hún er góð. Borða aldrei kaldan hrísgrjónagraut nema á jólunum og því er þetta góð leið til að minna á þau.

Svo var það Grýlukanilskaffið sem ég get ekki hætt að dásama og hef beðið óþreyjufull eftir síðan síðustu jól. Keypti poka af því og lyktin og bragðið af því er unaðsleg sem endranær.

Jólaöl tilheyrir náttúrulega jólanum. Þegar ég var yngri fannst mér jólaöl ekkert sérstakt en eftir því sem ég hef elst og þroskast hef ég þróað með mér smekk fyrir því. Það er með það eins og annað að ég fæ mér ekki malt og appelsín nema á jólunum og því drakk ég í mig jólaandann strax við fyrsta sopann.

Þar sem ég er farin að drekka æ meira af tei þá varð ég bara að prófa að kaupa Jólate. Í þetta sinn var Aðventute fyrir valinu og var ég ekki svikin af því. Yndisleg jólalykt- og bragð af því. Þegar ég hef klárað það hef ég hugsað mér að kaupa Frostrósate svona ykkur að segja.

Kerti með jólailm sem og önnur kerti hafa einnig komið sterkt inn hjá mér þessa dagana. Ekki veitir af að reyna að lýsa upp heima hjá sér þar sem mér finnst alltaf hálf dimmt.

Síðast en ekki síst er það jólabjórinn. Þegar hann er komin í ríkið þá veit maður að jólin eru að koma.

Með hjálp þessara vara er ég komin í aðeins meiri jólagír. Eftir næstu helgi verð ég svo vonandi búin með öll verkefni nema eitt og þá get ég farið að versla jólagjafirnar af fullum krafti.

Í dag eru ekki nema 31 dagur til jóla. Það þýðir það að eftir 36 daga fer ég til Danaveldis en þar ætlar stórfjölskyldan að fagna nýju ári. Það verður eflaust skrýtin en skemmtileg tilbreyting.

Ef þú giftist, ef þú bara giftist, ef þú giftist MÉR

2007-11-13T22:03:00.000Z

Hélt ég yrði ekki eldri þegar ég las um umsvif Baugsmanna hér á landi og víðar í 24 Stundir í dag. Ef þú ert ekki búin að sjá það þá er umfjöllunin hér.

Jedúdda, þessir menn eiga nánast allt. Þvílík völd sem þeir hafa og væntanlega nokkra seðla í veskinu.

Jón Ásgeir er víst að fara að gifta sig um næstu helgi og að sjálfsögðu dugði ekkert minna en Listasafn Reykjavíkur + heljarinnar stækkun undir veisluna.

Má ég biðja Jón Ásgeir að bíða aðeins og líta í kringum sig....HALLÓ hér er ég, laus og liðug og til í hvað sem er. Ég hlýt að vera betri kostur en Ingibjörg Pálma, þó hún sé eflaust ágæt.

Ég vil þó að það sé á hreinu að ég myndi náttúrulega ekki gifta mig vegna peninganna....alls ekki huhumm.

Ekki nóg með að maðurinn sé fjallmyndarlegur, hárfagur og bráðgáfaður þá hlýtur hann að vera með hjarta úr gulli og því sækist ég eftir.

Ef þið hittið hann, viljiði biðja hann að hafa samband.

Í hleðslu

2007-11-09T13:15:00.000Z

Komin heim í sveitina. Ákvað að skella mér í helgarreisu til þess að slappa af og hlaða batteríin fyrir komandi átök í skólanum. Ótrúlegt hvað batteríin hlaðast fljótt hérna á Hvanneyri, ægifagurt umhverfið hefur örugglega eitthvað með það að gera.

Kom í gærkvöldi, hugsaði ég mér að ég gæti nýtt daginn í dag til að taka skorpu í lærdómnum, ein heima og nægur friður hérna í sveitinni. En rétt eins og í Reykjavíkinni þá líður tíminn bara alltof hratt og einhvernvegin verður mér ekki nóg úr verki, lesturinn gengur samt hægt en örugglega. Einhverra hluta vegna er miklu skemmtilegra að lesa hérna, skil ekkert í því.

Móttökurnar voru náttúrulega ekki af verri endanum, alltaf stjanað við mann þegar maður kemur heim. Mamma tilbúin með plokkfisk handa mér í gær og í kvöld verður kjötsúpa bara fyrir MIG enda uppáhaldsmaturinn minn mmmm.

Mikið vildi ég að ég hefði tíma til að skreppa oftar heim.

Ætli ég fari bara ekki að telja niður dagana þangað til ég kemst í næstum mánaðar jólafrí....það er ágætis leið til að halda geðheilsunni.

Smá nostalgía

2007-11-01T18:18:00.001Z

Þennan unaðsdreng ætlum við Anna Friðrika að ættleiða og kannski verður eitthvað um það að hann verði látin þræla fyrir okkur. Þrælkunin verður aðeins í formi söngs, þar sem hann fær að syngja þetta lag fyrir okkur í tíma og ótíma. Ég hugsa samt að hann fái að hvíla sig af og til á því og syngja fyrir mig Still crazy.
Ég hreinlega elska þennan mann en þó bara á platónskan hátt, það verður að sjálfsögðu ekkert ósiðlegt í gangi.

Má þetta?

2007-10-23T18:01:00.000Z

Nei ég held nefnilega ekki. 20 dagar án bloggs er náttúrulega glæpur gegn mínum ,,dyggu" lesendum. Ég ætla að reyna að bæta fyrir brot mitt.

Ég er allavega komin frá Danaveldi, fyrir margt löngu reyndar en einhverra hluta vegna hefur andinn ekki komið yfir mig. Mætti halda að hann hefði orðið eftir úti eins og nokkur hluti þess sem ég verslaði. Já ég ákvað að skilja slatta af drasli eftir svo ég fengi ekki yfirvigt.

Ferðin var frábær í alla staði og ætli megi ekki þakka það ferðafélögum mínum.
Þessum 11 dögum sem ég dvaldi í veldi Margrétar Þórhildar var eytt í allskonar unað. Þar sem langt er um liðið og þær fáu heilasellur sem ég hafði hurfu úti vegna mikillar bjórdrykkju þá ætla ég bara að segja frá ferðinni í punktum.

Einkunnarorð ferðarinnar voru líklega versla og bjór.

Fórum í 4 vettvangsheimsóknir sem voru fróðlegar. Veit ekki alveg hve mikið hópurinn tók inn af fræðslu seinni daginn vegna ótrúlegs ,,hressleika".

Vafraði um Kristjaníu í niðamyrkri og doldið hrædd, var þó með 3 yngismeyjar mér til huggunar.

Strollaði á Strikinu, þræddi Fisketorvet og kíkti í Fields þar sem ég náði að fara í heilar 2 búðir.

Fór á skrallið í góðra vina hópi, einhverra hluta vegna komu allir meðlimir þessa hóps á sitthvorum tímanum heim.

Kíkti á Istegade en verslaði ekkert, alveg satt, aðrir sáu um það.

Borðaði kengúru og krókódíl. Alveg til í að borða hoppudýrið aftur en held ég sleppi krókódílnum.

Tók þátt í heljarinnar ratleik um miðborg Köben. Langt síðan ég hef hlaupið eins mikið enda var keppnisskapið alveg í hámarki sem leiddi bara gott af sér enda vann mitt lið.

Skoðaði smá hluta Köben á hjóli, allt fyrir Gullu.

Hitti Jóhönnu mína, Auði, Sibbu og Kristínu Erlu sem var ekki amalegt.

Söng í Kariokee með Gullu á Sams bar án þess að vera með nokkra rödd. Ótrúlegt að við höfum ekki verið púaðar niður.

Eftir vikudvöl í Köben skrapp ég til uppáhaldsfjölskyldunnar í Árósum og átti unaðsdaga með þeim. Þar fór ég m.a. í ansi góða Bilkaferð, kíkti í flottustu HogM búð fyrr og síðar, gaf illum bömbum að borða, hélt partý með frænkum mínum og keyrði alla leið til Ebeltoft til þess að kaupa skálar.

Ferðin endaði svo í allmiklu stressi vegna bilana í bókunarkerfi Kastrup sem leiddi til þess að við þurftum að hlaupa útí vél....hressandi.

Þá er ég búin að hlaupa yfir ævintýri ferðarinnar á hundavaði. Hægt er að sjá myndir hér.

Vil þakka Steinunni herbergisfélaga mínum fyrir að þola mig þessa viku. Hún getur ekki kvartað mikið þar sem það var ég sem þurfti að þola það að vera með rassgatið á henni í andlitinu á mér í tíma og ótíma.

Gulla á einnig hrós skilið fyrir að vera Laddi alltaf og allstaðar.

Hér erum við stöllurnar

Danaveldi fær smá tíma til að jafna sig á heimsókn minni en vegna góðmennsku jólasveinsins þá mun ég fara þangað aftur 29. des og fagna nýju ári í landi Margrétar Þórhildar. Ekki amalegt það.

Hef verið í hálfgerðri lægð eftir að ég kom heim. Alltof erfitt að snúa í hversdagsleikann sem býður ekki upp á mikið annað en lærdóm og leiðindi. Verkefnaskil á verkefnaskil ofan einkenna daga mína núna.

Ætla þó að lyfta mér upp um næstu helgi enda ærið tilefni. Dellan verður 23ja og Sauður ætlar að heiðra okkur klakabúa með nærveru sinni.

Allt að gerast

2007-10-02T12:15:00.000Z

Get ekki neitað að spennan er alveg í hámarki þessa stundina þar sem styttist óðum í ferð bekkjarins til Köben.

Búin að þrá þessa unaðsborg svo lengi og allt það sem hún hefur uppá að bjóða.

HogM, Himinbjörgin, óendanlega mikið af bjór, nokkrar námsferðir, Amazing Race, Reef'n Beef, Fields o.fl. eiga ekki eftir að klikka.

Leggjum íann frá Mjóddinni kl 4 í nótt og ef ég þekki mig rétt verð ég alveg með hressasta móti.

Ætla að eyða hvorki meira né minna en viku í borginni og fer svo í 4 daga til ástkærrar systur minnar og fjölskyldu til Árósa.

Get ekki beðið!

Þessi bíður mín líka alveg iðandi af spenning.

Búin að standa á haus síðustu dagana og varla haft tíma til neins.

Hef verið að klára 3 verkefni sem betra er að koma frá sér áður en ég fer svo ég vaði ekki skítinn þegar ég kem til baka.

Fór svo á ættarmót í Pålsen-fjölskyldunni í Stykkishólmi um helgina. Hef greinilega ekki langt að sækja það hve ógurlega skemmtileg ég er enda fjölskyldan alveg milljón.

Ég þarf svo ekki að óttast að svelta áður en ég fer þar sem í gær var matarboð í klúbbnum ,,Fokk er'etta Friðgeir" hjá Önnu bekkjarsystur og í kvöld er svo matarboð hjá Þórdísi í klúbbnum ,,Ji er'etta Jói".

Voðalega er eitthvað fullorðins að vera í svona matarklúbbum. Þarf eiginlega að verða mér úti um saumaklúbb og þá er ég sátt.

Það er nú fleira sem gleður mitt litla hjarta þessa stundina. Sæsan er laus við víravirkið úr kjaftinum á sér og gerir því lítið annað en að brosa út að eyrum. Verð bara fallegri með hverjum deginum sem líður, ég get svo svarið það.

Jedúdda....kannski ég geri eitthvað af viti svo ég verði klár í slaginn í nótt.

Fyndnasta barn í heiminum..geiminum..

2007-09-24T15:59:00.001Z

..reyndar fyrir utan elskulegar systurdætur mínar sem komu óvænt til landsins ásamt foreldrum sínum 2 dögum fyrr en áætlað var.

Það kom skemmtilega á óvart.

Ji er'etta Jói

2007-09-19T16:20:00.000Z

Síðasta kvöldmáltíð mín (vonandi þó ekki allra síðasta) var afskaplega gleðileg. Það er reyndar alltaf gleði í huga mér þegar ég borða en í gærkvöldi var gleðin með mesta móti.

Ástæðan?

Jú, matarklúbburinn Ji er'etta Jói hóf göngu sína á ný.

Klúbburinn var stofnaður síðasta vetur af mér, Kristjönu, Ingibjörgu, Helenu og Þórdísi. Vakti hann svo mikla lukka að við gátum ekki annað en startað honum á ný.

Hróður klúbbsins hefur greinilega borist utan landsteinana því Hulda vinkona okkar góð ákvað að koma til Íslands og dvelja hér eitthvað fram á vetur til þess eins (eða ég trúi ekki öðru) að fá að vera sérlegur aukameðlimur klúbbsins. Það er nú ekki verra því það þýðir aðeins eitt, fleiri matarboð víhú.

Kristjana reið á vaðið og galdraði fram dýrindis kjúklinga/tómatsúpu og súkkulaðir/ávaxtaköku í eftirrétt með unaðslegum vanillurjóma. Ég á ekki til nógu mörg eða góð lýsingarorð til að lýsa því hve unaðslegur maturinn var.

Það er því ekki hægt að segja annað en Jói hafi farið vel af stað.

Þórdís á næsta leik og líða ekki nema tvær vikur þangað til hún blæs til veislu eins og henni einni er lagið.

Ég get ekki beðið.

Það er bara spurning hvenær Jói sjálfur sér sér fært að mæta. Hann er jú heiðursmeðlimur klúbbsins. Hann bara veit það ekki :)

Gleði í hjarta...

2007-09-07T14:29:00.001Z

...já gleðin í hjarta mínu og eftirvæntingin jókst til muna þegar ég frétti að það styttist í að myndin um Flugdrekahlauparann komi í bíó. Ég geri mér nú samt grein fyrir því að ég þurfi að bíða eitthvað en þangað til get ég stytt mér stundirnar með því að horfa á trailerinn sem er hér...

Bókin um Flugdrekahlauparann eftir Khaled Hosseini er nefnilega sú albesta bók sem ég hef lesið hingað til. Svo þegar ég frétti að út væri komin ný bók eftir hann, A thousand splendid suns eða Þúsund bjartar sólir eins og hún á að heita á íslensku, stökk ég til og keypti hana. Gat ekki einu sinni beðið eftir íslensku útgáfunni sem kemur einhverntíman í haust.

Er sumsé að lesa hana núna og hún lofar mjög góðu. Fróðir menn segja að hún sé meira að segja betri en sú fyrri, á eftir að komast að því. Mann langar eiginlega ekki að klára svona bækur enda gef ég mér góðan tíma í að lesa hana.

Maður getur alveg með góðri samvisku látið skólabækurnar bíða í smá stund til þess að lesa svona gersemar.

Back to school

2007-09-03T18:31:00.000Z

Margrét gaf í skyn í síðustu viku að þar sem ég væri byrjuð í skólanum vænti hún margra og skemmtilegra færslna frá mér.

Ég mun vissulega reyna að standa undir væntingum hennar en lofa engu.

Skólinn byrjaði sumsé fyrir viku og verð að viðurkenna að kennararnir mættu alveg fara hægar af stað. Það tók alveg svakalega á að vera frá hálf 9-4 fyrstu vikuna. Strax sett í 5. gír og ekkert slakað á.
Mín bíður næstum svona stór bókahaugur sem þarf að lesast ekki seinna en í dag. Nei nei ýki kannski aðeins en nóg er af lesefni og verkefnum þessa önnina svo það er víst nauðsynlegt að halda rétt á spöðunum.

Var svo uppgefin eftir fyrstu skólavikuna að ég meikaði engan vegin að djamma um síðustu helgi. Þegar Særún á í hlut þá er mikið sagt.

Ætli ég reyni ekki að bæta úr því um næstu helgi, hver veit. Helgin verður þó ekki undirlögð af djammi þar sem ég þarf víst að vinna líka. Ætla að vinna aðra hverja helgi í vetur í skammtímadvöl fyrir fötluð börn og fyrsta helgin sú næsta. Legg ekki meira á ykkur.

Sé því fram á að hafa nóg að gera í vetur.

Hann á afmæli í dag....

2007-08-23T13:40:00.000Z

Þetta rúsínurassgat á afmæli í dag.

Drengurinn er hvorki meira né minna en 14. ára.

Í tilefni dagsins ætla ég að fara í sveitina, knúsa hann og kjassa og gæða mér á dýrindis afmælisköku.

Á morgun verður svo hin fagra Akureyri sótt heim og allt það fallega sem hún hefur að geyma víhúúú.

Sumarið er sko ekki búið

2007-08-17T14:50:00.001Z

Ég er svo hjartanlega sammála henni Tótu sem skrifaði pistil um það í Fréttablaðinu á mánudaginn hve fáránlegt það er að Íslendingar virðist upp til hópa halda það að sumarið sé búið strax eftir Verslunarmannahelgi. Við erum nefnilega hrikalega kjánaleg þegar kemur að árstíðum eins og hún bendir á. Um leið og Sumardagurinn fyrsti rennur upp hendum við vetrarfötunum lengst inní skáp og tökum fram stuttermabolina og stuttbuxurnar þrátt fyrir að veðrið sé yfirleitt ekki með besta móti á þessum tíma. Svo styttum við sumarið með því að byrja skólana snemma og láta sem sumarið sé búið um leið og aðal ferðahelgarnar hafa runnið sitt skeið. Fólk virðist ekki fatta að ágúst er næsthlýjasti mánuður ársins. Ekki nóg með það heldur er byrjað að selja jóladrasl í lok október. Ég held við mættum aðeins slaka á.

Eins og ég segi er ég sammála Tótu að öllu leyti og lifi samkvæmt því. Sumarið er nefnilega ekki búið hjá mér. Það styttist reyndar í skólann og ég á ekki nema 2 vaktir eftir af sumarvinnunni en ég læt það ekki á mig fá. Þess vegna ætla ég að skella mér á Danska Daga um helgina og skemmta mér eins og engin sé morgundagurinn og um næstu helgi verður brunað til Akureyrar til að taka þátt í menningarnótt þar.

Þetta verður mitt SUMARFRÍ, ekki seinna vænna :)

Með skársta móti

2007-07-31T00:01:00.000Z

Það er ekki oft sem manni eru slegnir viðlíka gullhamrar og faðir minn sló mér um daginn.
Eitthvað vorum við fjölskyldan að ræða holdafar okkar og vellur þá þetta fallega hrós uppúr honum:

Þú ert nú bara með skársta móti núna.

Haldiði að það sé, stelpan bara með skásta móti í hans augum, allavega ekki alslæm.

Ég hef ákveðið að vera bara nokkuð sátt við þessi orð hans enda ekki oft sem karlmenn hrósa manni á þennan hátt, hvað þá meira.

Að búa í fjölbýlishúsi

2007-07-25T17:19:00.000Z

Ég vissi það alveg þegar ég flutti hingað að hér í húsinu byggi fleira fólk, bæði fjölskyldufólk og einstæðingar. Ekkert hræðilegt við það enda er ég held ég bara heppin með nágranna svona allavega flesta daga.

Börnin sem koma hingað í tíma og ótíma og banka á dyrnar hjá mér til að spjalla pirra mig ekki.
Konan á háhæluðu skónum á efri hæðinni sem stappar á þeim daginn út og daginn inn er hætt að pirra mig.
Fjölskyldan á efri hæðinni sem virðist vera að færa til húsgögn allan sólarhringinn er hætt að pirra mig.
Tónlistin sem kemur úr einhverri íbúðinni hérna endrum og eins pirrar mig ekki.
Partýdýrin hér í kringum mig pirra mig ekki enda er ég svosem ekki saklaus, efast um að partýið sem var hér á föstudagskvöldið hafi verið það lágværasta í bænum.
Fólk sem er með háværa gesti hjá sér úti á svölum um hálf 2 leytið á þriðjudagsnóttu by the way pirrar mig ekki enda er ég nú þekkt fyrir að geta sofið hvar sem er, hvenær sem er.

Það sem pirrar mig hinsvegar eru reykingar nágranna minna. Já ég get bara ekki vanist því að þegar ég opna glugga upp á gátt eða dyrnar hjá mér til að fá ferskt loft þá læðist þessi viðbjóðslega reykingarlykt inn til mín. Ekki svo hreint loft sem henni fylgir. Hér er nefnilega bannað að reykja í íbúðunum og fólk fer því út á svalirnar til að svala nikótínfíkn sinni.

Er ég smámunasöm? Æ mér finnst það ekki.

Raindrops keeps falling on my head...

2007-07-19T00:06:00.000Z

...mér finnst rigningin góð og allt það. Þó ég elski sólina mikið og vilji að hún skíni sem mest þá verð ég að viðurkenna að hjarta mitt tók mikinn gleðikipp áðan þegar ég heyrði rigninguna dynja á jörðinni. Þó hún hafi ekki staðið lengi yfir í þetta sinn þá er smá rigning betri en engin þessa dagana enda jörðin gjörsamlega að þorna upp.

Ég styð því smá rigningu næstu dagana og svo sól aftur í næstu viku.

Er það ekki bara díll.

Ég get svo svarið það (á innsoginu)

2007-07-12T19:09:00.000Z

Sumarið þýtur áfram á allt of miklum hraða. Verð byrjuð í skólanum aftur áður en ég veit af en það þýðir líka að það styttist í Danmerkurferð mína og svo að sjálfsögðu útskriftina, ja kannski ekki alveg strax.

Ég hef haft hreinlega alltof mikið að gera síðustu vikurnar en ég læt mér þá ekki leiðast.

Snerist í kringum famelíuna frá Spáni og sýndist mér á öllu að þau væru rosa sátt við dvölina hérna. Ég verð nú líka alltaf pínu montin þegar fólk er hrifið af landinu. Þau voru allavega það hrifin að þau töluðu um að koma aftur og þá án barnanna.
Þau ferðuðust um landið að mestu leyti á eigin spýtur en ég tók þau í smá túristarúnt um Borgarfjörðinn minn. Sýndi þeim Hvanneyri, Borgarnes, Hraunfossa, Barnafoss, Reykholt, Húsafell, Deildartunguhver og ég veit ekki hvað og hvað. Borgarfjörðurinn hefur bara uppá svo margt að bjóða.
Enduðum svo heima hjá mömmu í þriggja rétta unaðslegri máltíð og sátum á spjallinu langt fram eftir kvöldi.
Þau buðu mér svo í mat í Perluna síðasta kvöldið sem var nú ekki amalegt þar sem ég hef aldrei komið þangað. Pínu skrýtið að taka svona hringinn á það á meðan maður er að borða.

Við fjölskyldan erum það heppin að eiga boð um að nota strandhúsið þeirra þegar við viljum svo það er aldrei að vita nema maður skelli sér til Espana að ári.

Talandi um að taka hringinn á það. Ég gerði það í all stærri merkingu um síðustu helgi þegar ég fór hringinn í kringum landið ásamt 4 fræknum stelpum. Aðalgeimið var reyndar á Egilstöðum en þar höfðu Egilstaðargellurnar planað heljarinnar óvissuhelgi fyrir allar Búlgóbúbburnar sem og Halldóru okkar.
Keyrðum til Akureyrar á fimmtudagskvöldinu og ég fékk að halla höfði mínu hjá Dóru Bellu og knúsa Marín svolítið sem var ekki leiðilegt.
Ferðin hélt áfram á föstudagsmorgun en þá var haldið til Egilstaða og ballið byrjaði fyrir alvöru. Jedúdda og því lauk ekki fyrr en seint á sunnudagskvöld. Verð að segja að hápunktur helgarinnar var örugglega spottinn frá Kirkjubæjarklaustri að Vík. Fer ekki nánar útí það en heimferðin var líklega sú súrasta bílferð sem ég hef nokkru sinni farið í. Fimm stelpur í 3 dyra Polo í 9 klst er bara uppskrift að einhverju súru.
Nenni ekki að fara ítarlega í hvert smáatriði helgarinnar en hún var í einu orði sagt hreint unaðslegamergjuðfeiknafjörugogfyndin.
Set inn myndir frá henni seinna en hægt er að sjá forsmekkinn á Sjöfræknu síðunni og svo Titlahelgarinnar hjá Siggu Fanney.
Allar nema Telma svo settlegar og sætar að horfa á kynningarmyndband um Kárahnjúkavirkjun. Tekið skal fram að þessi mynd var tekin við upphaf helgarinnar og get ég ekki ábyrgst að við höfum haldið áfram að vera settlegar það sem eftir lifði helgarinnar. Að sjálfsögðu erum við alltaf sætar.

Eyddi síðustu 4 dögum í sveitinni og sólinni hjá mömmu sem var alveg ótrúlega næs og gott að búa sig almennilega undir við 5 daga vinnutörnina sem tekur við á morgun. Tími til komin að vinna smá, hef ekki gert það í heila viku og er eiginlega komin með fráhvarfseinkenni.

Númerið þitt, takk!

2007-06-27T16:35:00.000Z

Elskulegur sími minn gaf upp öndina um helgina mér til mikillar mæðu. Þar með virðist ég hafa tapað ansi mörgum símanúmerum mér til enn mikillar mæðu. Svo ömurlega vill líka til að flestir minna vina og kunningja eru ekki skráðir með númer í símaskránni eða ja.is.

Viljiði því skilja eftir númerin hérna í kommenti eða senda mér sms svo ég hafi nú númerin og geti hringt í ykkur í tíma og ótíma.

Eitt jákvætt kom út úr þessu öllu saman. Ég fékk góða ástæðu til að kaupa mér nýjan síma vei vei. Hann er fallegur mjög og inniheldur marga góða fítusa sem ég hef mikla þörf á :)

Sumarið er tíminn

2007-06-22T17:47:00.000Z

Ég vildi að allir dagar væru eins og næstu tveir.

Í kvöld er grillpartý hjá Þroskaþjálfa bekknum mínum. Gleðin verður haldin í Mosó enda hið ógurlega Mosó mafía bekkjarins sem eru í skipulagsnefndinni. Svo ég fæ ekki einungis grill í kvöld heldur smá road trip í kaupbæti.

Veit ekki hvort Ásta eigi svona grill græju, lítið kolagrill er alveg nóg fyrir svínasneiðarnar mínar.

Á morgun er svo stórafmælispartýgleði hjá Önnu Friðriku þar sem allir gestir þurfa að mæta með höfuðfat. Ég er til í slaginn og búin að velja mér mitt. Hvað það er er hernaðarleyndarmál þangað til annaðkvöld.

Í tilefni afmælisins og þess og að LoVísa mín hreinlega æpti á mig þá keypti ég kjól til að klæðast í gleðskapnum. Hann er svo fallegur að ég grét næstum þegar ég keypti hann, verst að ég grét eiginlega líka vegna þjáninga LoVísu minnar. En ég verð falleg og fín og það er mikilvægast.

Fann þessa mynd af Önnu síðan á afmælinu hennar í fyrra. Efast ekki um að hún verði eins hress á morgun. Falleg er hún hvort sem hún er 24 ra eða 25 :)

Þetta vissi ég

2007-06-19T17:56:00.000Z

Las í DV áðan að hin gríðarlega góða sápa Guiding Light eða Leiðarljós hefði fengið Emmy verðlaunin sem besta sápuóperan fyrir nokkrum dögum. Já þetta kom mér ekki á óvart og hef alltaf staðið föst á því að hér er á ferðinni hágæða sjónvarpsefni. Í tilefni af þessu horfði ég á þátt dagsins í heild sinni, aldrei þessu vant og varð ekki fyrir vonbrigðum.

Dagurinn í dag er merkilegur fyrir fleiri sakir því þessi elska hérna

á afmæli í dag og ekkert smá afmæli. Stúlkan á ekki eftir nema 75 ár í að verða aldargömul. Það verður fljótt að líða.

Innilega til hamingju með daginn Anna mín og skemmtu þér vel á tónleikunum í kvöld.

Ég mæli með...

2007-06-13T14:39:00.000Z

...Road trip í góðum félagsskap (Ingibjörg) á sólríkum degi eins og í gær
...snúð með glassúr úr bakaríinu í Nóatúni á Selfossi, þeir kunna sko að troða glassúri yfir ALLAN snúðinn

...heimsókn til bekkjarsystur úr 4-f í sveitasæluna í Reykholti (syðra) og fá að hnoðast smá með nýfæddan erfingja hennar (Takk Heiða Pálrún og Lilja Björk fyrir að taka á móti okkur)

...því að þú kaupir 17. júní blómvönd um helgina...þeir eru rosa flottir, sá það með berum augum þegar þeir voru settir saman í gróðurhúsum fjölskyldunnar á Espiflöt í Reykholti

...að skoða Geysi eða Strokk öllu heldur ásamt öllum túristunum. Um að gera að reyna að hvetja Strokk svolítið svo hann sýni sig almennilega, hann var ekki alveg í sínu besta formi í gær

...því að labba eins nálægt Gullfossi og hægt er til að fá allann úðann úr fossinum yfir sig, það er virkilega hressandi

...að labba að enda regnbogans og leita að gullkistunni sem á að vera þar. Við Ingibjörg fundum hana ekki þrátt fyrir mikla leit

...að keyra til Þingvalla eftir gamla veginum frá Laugarvatni, ansi gaman að keyra eftir hlykkjóttum og ómalbikuðum vegi þar sem rollurnar voru ekkert að æsa sig þótt maður þyrfti að komast áfram

...að finna góða laut á Þingvöllum í síðdegissólinni til að snæða nestið sitt og fá útrás fyrir fíflinu inní sér

...laxasamlokunni frá Línu-samlokum á Selfossi

...leggjast fyrir framan sjónvarpið með bjór í hönd eftir svona unaðslegt Road-trip

Setti inn fleiri myndir hér

Ágætt að hafa farið að skoða alla þessa vinsælu ferðamannastaði þar sem ég þarf víst að bregða mér í gædgírinn og fara þangað aftur eftir tæpar tvær vikur þegar fjölskylda mín frá Spáni kemur í vikuheimsókn hingað til Íslands. Ég verð alveg á fullu þessa viku að sýna þeim allt það markverðasta á Suður og Vesturlandi. Það verður ekki leiðilegt og sérstaklega ekki að hitta Mayte, Juan, Blöncu og José aftur eftir 2 1/2 ár.

Absolut Hunk

2007-06-05T00:04:00.000Z

Var rétt í þessu að horfa á 12 þátt af Brothers and sisters og gott ef hjarta mitt tók ekki slatta af aukaslögum þegar þessi birtist á tölvuskjánum

Ó ó ó ég áttaði mig þá á því hve sárt ég hafði saknað þess að sjá hans fríða fés og að ég tali ekki um líkama reglulega. Kannski ég fari að rifja upp kynni okkar með því að horfa á þann fjölda þátta af SITC sem hann birtist í. Ó hve fegin ég er að eiga allar seríurnar og geta horft á þennan guðdómlega mann í tíma og ótíma.

Það er engum blöðum um það að fletta að hann er og verður ABSOLUT HUNK

Dúddelídú

2007-05-30T15:12:00.000Z

Brósi var fermdur og tókst fermingin og fermingarveislan gríðarvel. Held að drengurinn hafi bara verið ansi sáttur við daginn. Húsið fullt af gestum frá rúmlega eitt og var það enn þegar ég lét mig hverfa kl 11 um kvöldið. Að sjálfsögðu voru veitingarnar ekki af verri endanum og reyndi ég að borða sem mest enda einhver tími þangað til ég fæ næst veislumat hjá mömmu.
Sökum viðburðarríks dags á sunnudag þá var hressleikinn í vinnunni á mánudag langt fyrir neðan meðaltal. Ég lifði hann þó af og á núna eftir 2 næturvaktir á þessari törn.
Þar sem ég er að fara á næturvakt í kvöld ákvað ég að sofa til allavega 2 í dag. Það gekk ekki alveg upp þar sem nemendur Ísaksskóla eru greinilega ekki farnir í sumarfrí og greinilega ekki skólaliðinn þeirra háværi. Vaknaði við ógnar öskur hans um hádegi og ótrúlegt en satt þá er hann háværari en öll börnin til samans. Hugsa hlýlega til þriðjudagsins 5. júní þegar skólaslit eru og ég get sofið ótrufluð á morgnana.
Hef fengið tvær óskir mínar uppfylltar síðustu daga. Önnur er sú að Brothers and sisters verða sýndir á Rúv í sumar. Vúhú Rúv að standa sig. Hin óskin er sú að grasbletturinn fyrir utan hjá mér yrði sleginn og það var rétt í þessu að gerast. Hugsa samt að ég hefði gert það betur en hvað um það ég þarf ekki að vaða það uppað lærum lengur.
Er í fríi um helgina og vantar góðar ábendingar um hvað hægt er að gera skemmtilegt. Fjölskylda mín er svo elskuleg að flýja land til Danmerkur og skilja mig eina eftir á klakanum. Ég verð því að reyna að skemmta sjálfri mér einhvernvegin.
Að lokum vil ég panta sól frá föstudegi til miðvikudags svo ég geti náð smá roða í kinnar því ekki fæ ég hann inni í álverinu svo mikið er víst.

Sveitasæla

2007-05-24T12:28:00.000Z

Komin heim í sveitasæluna. Ástæða heimsóknar minnar í þetta sinn er að "litli" brósi (sem er ekki svo lítill lengur) á að fermast á sunnudaginn.

Já það verður heilmikið húllumhæ. Ákvað að koma fyrr til að hjálpa mömmu í undirbúningnum en svo virðist sem kellan sé búin að mestu. Það eina sem ég hef fengið að gera hingað til er að þrífa eldhúsinnréttinguna vegna þess að henni finnst það svo leiðilegt. Maður er greinilega bara settur í skítverkin.

Fjöllan úr Danaveldi er svo lent á landinu og er væntanleg í sveitina seinnipartinn. Það verður ekki leiðilegt að fá loks að knúsa þessar hérna eftir alltof langan tíma.

Ætla að reyna að knúsa þær og kremja sem mest enda sé ég þær líklega ekki aftur fyrr en einhverntíman í haust.

Smá updeit

2007-05-16T00:30:00.000Z

Næstum ein og hálf vika síðan skólinn kláraðist og nóg að gera.

Byrjuð á Grundartanga og tek mig svona líka vel út í vinnugallanum. Stjórnun lyftara og krana gengur þokkalega, smá byrjunarerfiðleikar í gangi með tilheyrandi árekstrum en ekkert alvarlegt. Ég er öll að koma til í þessu og læri betur inn á jobbið með hverri vaktinni sem líður. Fyrsta alvöru fimm daga törnin byrjar á föstudag, sjáum til hvað ég segi eftir hana. Vona samt að ég verði ekki eins krambúleruð á löppunum eftir hana eins og síðustu daga, get ekki látið sjá mig í stuttbuxum eða pilsi sökum marbletta.
Júróvisón var tekið með trompi eins og svo oft áður. Ég, Telma og Anna Friðrika horfðum á undankeppnina hjá mér. Mitt land Búlgaría komst að sjálfsögðu áfram enda fantagott lag þar á ferð, huhumm.
Úrslitakvöldið var enn betra þrátt fyrir að Ísland væri ekki með. Alvöru partý hjá Önnu, Siggu og Kristínu þar sem aðgangspassinn var að maður sýndi fram á með óyggjandi hætti að maður styddi sitt land. Ég gerði það að sjálfsögðu og klæddi mig upp í anda Búlgaríuferðarinnar góðu. Aðrir gestir létu sitt ekki eftir liggja enda voru á svæðinu flugfreyja frá Bretlandi, Rússi, Mega gella frá Makedóníu, Svaka choko frá Spáni ásamt fleirum. Ég var sátt með gengi míns liðs enda fimmta sætið ekki svo slæmt. Hægt er að sjá myndir úr partýinu hérna.
Eitthvað fór minna fyrir kosningunum þó ég hafi að sjálfsögðu kosið rétt. Kosningavaka okkar partýdýranna fór meira fram á skemmtistöðum bæjarins.
Átti yndælis dag með Thelmunni sem loksins búið er að endurheimta úr ógurlegri próftíð. Þræddum ýmiskonar skemmtilegar búðir og gat keypt mér þetta fína borð og stóla á "veröndina" mína. Einnig fjarfesti ég í Kubbi svo nú verður sett upp stíft æfingarprófgram fyrir sumarið. Eftir allar búðirnar bauð Thelma uppá eplaköku sem var algjört sælgæti, ekki amalegt það.
og að lokum vil ég benda á bjargvætt minn þessa dagana. SJónvarpið er bara enganvegin að gera sig fyrir óþreyjufulla manneskju eins og mig. Ég hef ekki Stöð2 og ég get bara stundum ekki beðið í heila viku eftir að sjá nýja þætti svo ég dunda mér inni á þessari skemmtilegu síðu. Nýjasta æðið mitt er þátturinn Brothers and sisters....er búin að sitja í kvöld og horfa og kannski ég horfi á einn þátt enn fyrir svefninn....

Dobar vecher!

2007-05-10T08:25:00.001Z

Í tilefni þess að á morgun mun lagið "mitt" berjast fyrir því að komast í úrslit Eurovison fannst mér rétt að birta myndbandið við það hér.
Því er ekki hægt að neita að þetta er besta lagið í keppninni (kannski fyrir utan Eirík). Nú ef svo ótrúlega vill til að það komist ekki áfram þá veit ég um eitt fantagott lag sem er nú þegar komið í úrslit.

Læt textann fylgja með.

More, malka mome, yi..
More, more pee, iy

More Mitra pee na rekata, Mitre le, iy, Mitre le
More, na rekata, do gorata, Mitre le, iy, Mitre le
More, yozdol ide, ludo mlado, Mitre le, iy, Mitre le
More, ludo mlado, konche vodi, Mitre le, iy, Mitre le

More, more pee
More, more, iy
Mitre le
Eno ho.. ho.. ho..
A.. a.. a..

More, ludo mlado, konche yazdi, Mitre le, iy, Mitre le
More, konche yazdi, moma lyubi, Mitre le, iy, Mitre le
Tara-du-da day-du-dara dara-du-da, Mitre le

Tara-du-day du-dara dara-du-da (Hey)
Tara-du-day du-dara dara-du-da
Tara-du-day du-dara dara-du-da (Hey, hey)
Tara-du-day du-dara dara-du-da

Tara-du-day du-dara dara-du-da (Hey)
Tara-du-day du-dara dara-du-da (Hey, hey)
Tara-du-day du-dara dara-du-da (Hey)
Tara-du-day du-dara dara-du-da

Sumarfrí, sumarfrí, sumarfrí, frí,frí

2007-05-06T12:19:00.000Z

Ok ætti kannski ekki að nú því um nasir lærandi fólks að ég sé komin í frí. En hvað um það, ég glöð og ég er góð yfir því.

Sumarfríinu var fagnað á föstudaginn ásamt bekkjarfélögunum. Förum að borða á Vegamótum, svo í eitt stykki pertý í gettóinu og enduðum á Players þar sem við dilluðum okkur undir seiðandi tónum Sálarinnar. Mikið sem það var gaman.

Hef aldrei áður farið á Players og fékk því vægt sjokk þegar inn var komið og ég áttaði mig á að hann væri líklega hin nýja Kringlukrá. Ég náði allavega að toga meðalaldurinn eitthvað niður þó erfitt væri. Engu að síður var afskaplega gaman.

Mér til mikillar skemmtunar var Kristjana að setja inn myndir síðan úr síðasta "Ji... er'etta Jói" og hvílík fegurð og gleði sem skín úr þeim myndum.
Set hérna nokkrar inn af mér og sálufélaga mínum. Til gamans sögðum við einhver orð og áttum að túlka það í svip sem tókst svona líka vel. Ótrúlegt hve svipirnir urðu alltaf eins, ein ástæða fyrir því-Sálufélagar.

Sætar!

Flippaðar!

Með prik í rassgatinu!

og svo skelkaðar!

Fallegar erum við, það er ekki spurning.

Jebb, jebb

2007-05-03T11:03:00.000Z

Fannst við hæfi að breyta aðeins um lit á þessari blessaðri síðu. Brúnn er bara ekki nógu sumarlegur en það er grænn hinsvegar.
Það er reyndar ekkert sumarlegt úti þessa stundina.
Í augnablikinu er frekar grámyglulegur himinn og nokkrir regndropar á glugganum hjá mér.
Ég græt það ekki þar sem ég sit sveitt inni við og legg lokahönd á verkefnin mín 2 sem ég á að skila á morgun.
Mikið sem ég verð fegin þegar það er frá og ég komin í sumarfrí (úr skólanum allavega).

Um hádegisbil á morgun má sumarið koma með öllum sínum yndislegheitum og ég mun taka því fagnandi, þyljandi upp þessa skemmtilegu vísu sem ég lærði hjá ömmu minni heitinni:

Sól úti

Sól inni

Sól í hjarta

Sól í sinni

Bgrrinhilda

2007-04-27T19:51:00.001Z

Ó þvílíka gleðitilfinningin sem fór um æðar mínar þegar ég fann þetta myndband. Það er ekki verra að hægt er að finna fullt af fleiri Fóstbræðraklippum þarna. Kannski ekki svo gott sökum þess að ég þyrfti að vera að læra en hvað um það, léttir lundina allavega.

Mæli með...Hommadjöfull, 11/11, Dónakallarnir, Skór dauðans, Ertu að gera grín af mer helvítið þitt, Botsía o.fl.

Þvílíka snilldin sem þetta er.

Hálfnuð

2007-04-23T20:29:00.000Z

Vatnsberi: Saklaust daður neyðir þig til að koma fram af einlægni. Fólk fellur fyrir þínum náttúrlega sjarma, en passaðu þig að merkjunum sem þú sendir út.

Skemmtileg stjörnuspáin mín í dag. Velti því fyrir mér hvar ég var að senda þessi merki. Líklega hefur það verið á LYFTARA námskeiðinu sem ég var á í dag. Nóg af karlmönnum þar, jafnt íslenskum sem pólskum, sem auðvelt var að senda merki. Minnist þess samt ekki að ég hafi verið að daðra neitt sérstaklega en hvað veit maður, ég er stöðugt daðrandi án þess að taka nokkuð eftir því, huhumm.

Fegin er ég að ekki er eftir nema 1 dagur af þessu námskeiði, djöfull sem það var leiðilegt. Fékk ágætlega þykka bók um hinar ýmsu tegundir lyftara og hvernig þeir starfa. Já mjög áhugavert. Það sem er enn skemmtilegra er að ég þarf að gera verkefni uppúr henni og skila á miðvikudaginn. Vúhúú. Ef það gengur vel verð ég komin með ökuréttindi á lyftara á miðvikudagskvöldið.

Hver vill þá koma á rúntinn?

Sumarið er tíminn...

2007-04-19T14:36:00.000Z

Já loksins er það mætt blessað sumarið. Fyrsti sumardagurinn ekki svo afleitur veðurlega séð þó það mætti nú vera aðeins hlýrra en maður getur ekki ætlast til of mikils.

Vona sannarlega að þessi verði dugleg að sýna sig næstu mánuðina enda fátt skemmtilegra en að njóta lífsins í brakandi blíðu. Vetur og sumar fraus svona líka saman svo það á víst að heita á gott sumar en ég tek því nú með góðum fyrirvara.

Hélt upp á daginn með því að skella mér í bakaríið, keypti smá kruðerí og bauð Ingibjörgu í hádegismat reyndar með því skilyrði að hún kæmi með gúrku með sér, sem hún gerði.

Á eftir ætlum við að nota okkur tækifærið og kíkja á Kjarvalstaði. Frítt inn og víst svona svakalega flott sýning þar.

Já sumarið byrjar ekki amalega....það er vonandi að það haldi áfram að vera svona unaðslegt.

Laugardagur til lærdóms

2007-04-14T12:10:00.000Z

Þessi helgi sem og næstu 2 munu fara í lærdóm enda skuggalega stutt í skiladag verkefna og síðasta skóladaginn sömuleiðis.

Þó ég sé að læra þá bregð ég útaf vananum og geri mér glaðan dag enda laugardagur.

Gleðin í dag einkennist af súkkulaðikökubakstri, mmmm

Þetta er reyndar ekki sú sem ég er að baka. Hann Jói minn gerði nú þessa en ég veit að mín verður ekki síðri enda uppskriftin tekin úr bókinni hans Jóa.

Kemur svo í ljós hvort ég þurfi að sporðrenna kökunni ein eða hvort ég fái hjálp. Ég vona svo sannarlega að einhver sjái aumur á mér og aðstoði mig við að smakka hana, ég hef ekki gott af öðru.

Þá er að spýta í lófana og skrifa sem vindurinn, ég má engan tíma missa. Helgin verður líklega þotin framhjá áður en ég veit af.

Svoo yndisleg kvöldstund

2007-04-09T23:39:00.000Z

Var rétt að koma heim af unaðslegum tónleikum þar sem þessi hérna

tók gömul og ný lög í bland og ætli ég verði ekki með gæsahúð langt fram eftir morgundeginum. Hún er bara yndisleg.

Elskulegur Antony kom svo og tók eitt lag með Björk og er það alveg ástæða til að kaupa diskinn. Þau voru eldheit saman.

Hot Chip enduðu svo kvöldið og voru þeir frábærir.

Þegar þeir eru annars vegar þá er bara ekki hægt að hemja dillið.

Mega sega drive tónleikar og er svo sátt við sjálfa mig þessa stundina að hafa stokkið til og keypt miða. Sé sko ekki eftir því.

Sæt sem súkkulaði

2007-04-08T11:35:00.000Z

Hinn unaðslegi páskadagur loksins runninn upp og hvað gerir maður annað á þeim drottins degi en að borða páskaegg.
Ég hef staðið mína plikt, eins og alltaf, og náð að sporðrenna næstum hálfu eggi á alltof stuttum tíma. Efast ekki um að ég nái að klára það áður en dagur er liðinn.
Fékka eitt egg nr. 4 þetta árið. Elskuleg amma mín lét mig svo hafa pening fyrir öðru en ákvað að vera skynsöm og eyða þeim pening í eitthvað annað en súkkulaði. Þótt ótrúlegt sé hef ég eiginlega aldrei verið mikill aðdáandi páskaeggja. Er heitari fyrir málshættinum.

Þetta árið fékk ég tvo málshætti: "Þeir fá byr sem bíða" og "Augu ei leyna ef ástin er heit"

Í þessu felst að sjálfsögðu mikil viska og mun ég geyma hana í hjartanu og fara eftir, eftir bestu getu þangað til ég fæ annan málshátt að ári.

Í fyrsta gír

2007-04-02T23:15:00.000Z

Alveg ótrúlegt hvað ég fer í allt annan gír þegar ég kem í sveitina. Kom hingað uppeftir á laugardaginn og það var við manninn mælt að um leið og ég steig inn fyrir hússins dyr skipti ég niður í fyrsta gír, munaði litlu að ég færi bara í bakkgír. Ótrúlegt alveg hreint. Hef sumsé ekki afrekað neitt síðan ég kom nema að liggja fyrir framan sjónvarpið eða hanga í tölvunni. Það er nú ágætt að taka smá pásu annað slagið en þetta er of mikið af því góða, sérstaklega þegar ég þarf að vera að vinna í tveimur mjög svo stórum verkefnum.

Sjáum til hver afköstin verða á morgun, einhvernvegin er ég ekki bjartsýn.

Gifting árið 2014

2007-03-28T15:43:00.000Z

Fann þessa mjög svo áreiðanlegu könnun á veraldarvefnum og þar sem ég er svo flippuð þá sló ég til og krossaði í þá reiti sem passa við mig.

[ ] I know how to make a pot of coffee.
[ ] I keep track of dates using a calendar.
[ ] I own more than one credit card.
[ ] I know how to change the oil in my dads car.
[ ] I do my own laundry.
[ ] I vote every election.
[ ] I can cook for myself.
[ ] I think politics are exciting.
[ ] I balance my checkbook.
[ ] My parents have better things to say than my friends.
[ ] I show up for school/college/work every day early.
[ ] I always carry a pen in my pocket/purse.
[ ] I've never gotten a detention.
[ ] I have never gotten completely trashed.
[ ] I have forgotten my own birthday at least once.
[ ] I like to take walks by myself.
[ ] I've watched talk shows.
[ ] I know what 'credibility' means without looking it up.
[ ] I drink coffee at least once a week.
[ ] I know how to do the dishes.
[ ] I can count to 10 in another language.
[ ] When I say I'm going to do something I do it.
[ ] My parents trust me.
[ ] I can mow the lawn.
[ ] I can make adults laugh without being stupid.
[ ] I remember to water the plants.
[ ] I study when I have to.
[ ] I pay attention at school/college.
[ ] I remember to feed my pets.
[ ] I can spell 'experience' without looking it up
[ ] I work out on a regular basis.
[ ] I clean up my own mess.
[ ] The people at Starbucks know me by name.
[ ] my favorite kind of food is take out.
[ ] I have gained weight since middle/high school.
[ ] The first thing I do when I wake up is get caffeine.
[ ] I can go to the store without getting something I don't need.
[ ] I understand political jokes the first time they are said.
[ ] I can type quickly.
[ ] I have realized that the weather forecast changes every hour.
[ ] My only friends are from my place of employment.
[ ] I have been to a tupperware party.
[ ] I have realized that no one will take you seriously unless you are over the age of 25 and have a job.
[ ] I have more bills than I can pay.
[ ] All my friends are older than I am.
[ ] I can say no to staying out all night.
[ ] I use the internet every day.
[ ] My wardrobe hasn't changed in a while.
[ ] I can read a book and actually finish it.

Lagði saman alla krossana og út fæ ég að ,,Giftingaraldur minn er 31 árs"

Þar sem ég tek öllum svo könnunum alvarlega þá treysti ég því að árið 2014 muni ég ganga í það heilaga, allavega ekki fyrr. Passar svo sem vel við framtíðarplön mín en samkvæmt þeim er ég eiginlega upptekin til sirka 2010. Þyrfti líka fyrst að finna brúðgumann!

Helgi unaðs og áts

2007-03-27T22:17:00.000Z

Finn mig knúna til að segja aðeins frá síðustu helgi.

Eftir á að hyggja þá var helgin yndisleg í alla staða get hinsvegar ekki sagt að hljóðið í mér hafi verið mjög gott í byrjun helgarinnar eða um hálf 9 leytið á föstudagskvöldið. ÚFF.
Þá töldum við stelpurnar okkur vera komnar á áfangastað. Í Þjórsárdal vorum við allavega komnar en ekki gátum við fundið bústaðinn þrátt fyrir að hafa fylgt leiðbeiningum eins vel og kostur var. Þær leiddu okkur að lítilli brekku sem var full af snjó og þar sem við vorum á Yaris og Polo vorum við ekki alveg á buxunum að æða áfram.
Við vildum ekki trúa því að leiðin að bústaðnum okkar væri ófær svo við fórum á næsta bæ og spurðum bóndann hvort við höfðum virkilega verið á réttri leið. Júbb því miður var það svo. Hann var svo elskulegur að lána okkur snjódisk svo við ættum auðveldara með að ferja dótið okkar því að hans sögn var um 1km gangur að bústaðnum.
Jibbý! Get ekki sagt að við höfum verið mjög ánægðar með þessar fréttir en þar sem við vorum komnar þetta langt þá gátum við ekki farið að snúa við. Svo við lögðum af stað með allt það drasl sem við töldum nauðsynlegt þar á meðal sirka 10 poka af mat.
Og guð minn góður hvað ég blótaði mikið á leiðinni. Hélt ég væri að láta lífið hvað eftir annað en hélt áfram á þrjóskunni einni saman, ágætt að hún kom að notum svona einu sinni.
Ekki nóg með að leiðin hafi verið um 1 km heldur var hún lengi vel uppí móti og það var snjór eða bleyta alla leiðina. Yndislegt.
Það sem gerði ferðina samt bærilega var að himininn var stjörnubjartur og norðurljósin á fullu. Ágætt að hafa eitthvað til að lýsa okkur leiðina því við höfðum ekki hugmynd um það hvert við vorum að fara, fylgdum bara einhverjum sporum sem voru í snjónum.
Get ekki líst gleðinni sem bærðist innra með mér þegar ég sá loksins þak, það var reyndar ekki bústaðurinn, hann var númer 2. Fagnaðarópin sem glumdu um allan dal þegar ég komst svo inn í rétta bústaðinn voru heldur ekki lítið.
Afgangurinn af helginni leið svo í hreinum unaði. Hún einkenndist af ágætis svefni, mjög svo notalegum pottaferðum, fáránlega miklu áti (enda ætluðum við að bera sem minnst til baka), smá lærdómi og svo pleasure time með stelpunum.
Kom alveg endurnærð til baka.
Væri til í að gera þetta mun oftar, reyndar fyrir utan fjandans labbið.

Anna, Sigga, Thelma og Kristín Laufey, takk fyrir yndislega helgi.

Sumarvinnan

2007-03-22T16:10:00.000Z

Haldiði að Sæsan myndi ekki taka sig vel út í svona júniformi.

Það ætla ég rétt að vona því ég mun eyða sumrinu í einu slíku. Jebb, ég er að fara að vinna í álveri. Ótrúlegt en satt. Mun reyndar vera merkt Norðuráli en ekki Alcan þar sem ég verð á Grundartanga. Líst bara ágætlega á þetta. Tilbreyting að vera eiginlega bara að vinna með köllum.

Eflaust eiga einhverjir eftir að vera hissa á þessari ákvörðun minni en held að peningagræðgin hafi tekið öll völd eins þörfin í að prófa eitthvað allt annað en að vera í umönnun. Engar skeiningar hjá mér í sumar:)

Hvað er að ske?

2007-03-21T09:38:00.000Z

Svo sem ekki mikið. Hef því miður ekki verið að gera neitt svakalega upplífgandi síðustu vikuna. Seinasta helgi fór alveg í Heimapróf og vinnu, miður skemmtilegt það.
Á mánudaginn byrjaði ég í 6 vikna verknáminu mínu. Er á leikskólanum Klömbrum sem er í ekki nema 3 mínútna fjarlægð frá heimili mínu. Ekki slæmt það. Er sumsé búin að mæta tvo daga og líst ágætlega á. Kannski ekki hægt að dæma svo fljótt.
Meðfram því að fylgjast með starfi þroskaþjálfans inni á leikskólanum er ég að fylgjast með einni fatlaðri stelpu og á svo að gera einstaklingsáætlun um hana þar sem ég kem með hugmynd að einhverju atriði sem ég vil þjálfa hjá henni. Alvara málsins felst svo í að þjálfa þetta sérstaka atriði og sjá hvort ég nái markmiði mínu og einhverjum árangri. Sjáum til. Það kemur allt í ljós í byrjun maí þegar ég skila inn verkefnunum.

Ég er þó full tilhlökkunar út af næstu helgi en þá förum við nokkrar stelpuskjátur í sumarbústað uppí Þjórsárdal. Helginni verður eytt þar í algjörum unaði. Á milli þess sem við lærum munum við spila Kubb, borða góðan mat, fara á trúnó og í pottinn. Mikið sem ég hlakka til að komast útúr bænum í smá stund.

Reyndar er ekki svo langt í páskafríið en því ætla ég að eyða öllu á Hótel Mömmu í mjög svo góu yfirlæti.

Já það eru bjartir tímar framundan.

Daginn í dag....

2007-03-18T09:49:00.000Z

Vatnsberi: Þú ert á ferðinni og þeim mun minni farangur sem þú hefur, því betra. Reyndu að vinna í góðum skorpum og hvíla þig inn á milli - þannig kemurðu meiru í verk.

Stjörnuspáin mín í dag á einkar vel við. Þar sem ég er í heimaprófi þessa helgina og þarf víst að vera búin með það í kvöld. Held ég taki hana alvarlega og vinni í skorpum.

Fyrsta skorpa dagsins mun því hefjast eftir fyrsta kaffibolla dagsins sem ég mun fá mér eftir örskamma stund.

Hún á afmæli í dag

2007-03-14T19:25:00.001Z

Þessi elska fyllti árin 23 í dag

Innilega til hamingju með daginn Dolly mín!

Í tilefni dagsins brá ég mér í allsvakalega klippingu enda tími komi til. Ég ætla ekki að láta þar við sitja heldur er ég á leið í bíó núna á eftir.

Já maður er betri við sig suma daga en aðra.

Falleg minning á fallegum degi

2007-03-10T11:24:00.001Z

Varð bara að setja þetta myndband inn fyrst það er fáanlegt á veraldarvefnum.
Myndbandið var semsagt tekið þegar Thelma og Telma komu okkur hinum Búlgaríubúbbunum á óvart og mættu bara Surprise til Búlgó. Það er ekki hægt að neita því að taugatitringurinn var ansi mikill á þeirri stundu. Sjaldan eða aldrei hef ég verið eins nálægt því að fá einhversskonar áfall.

Dagurinn í dag er fallegur fyrir margar sakir. Þá helst vegna þess að í dag verður 24 ára afmælisdegi (sem er á morgun) Telmu fangað heitt og innilega. Við stúlkurnar ætlum allar að hittast seinnipart dags og gera eitthvað crazy áður en haldið verður í partý á heimili Telmu og leiðin liggur svo síðla kvölds á skemmtistaði borgarinnar þar sem léttur dans verður stiginn. Ekki amalegt það!

Allt að gerast!

2007-03-06T12:15:00.000Z

Hann Leo minn er víst á leiðinni til landsins.

Spurning um að skella sér út í guðs græna náttúruna og leita hann uppi. Já eða bara eyða næstu dögum á Domo, Bláa Lóninu eða 101 hótel og vona hið besta.

Syndir, myndir

2007-03-04T12:44:00.000Z

Setti inn nokkrar myndir frá keilukvöldinu klikkaða.

Þær eru hér til hliðar undir Myndir úr lífi mínu.

Gærkvöldið!

2007-03-02T17:03:00.000Z

Gærkvöldið einkenndist af þessu þema

smá keilu, þar sem ég stóð mig hreint út sagt hrikalega

greinilega einhverri bjórdrykkju

og almennri skemmtun enda ekki á hverjum degi sem bekkurinn kemur saman og tekur þátt í atburði skipulögðum af skólafélaginu. Það var semsagt hið árlega keilumót SKHÍ og mættum við með hvorki meira né minna en 2 lið, Grease gellur og Pink ladies. Árangur liðanna er ekki birtingarhæfur. Eftir mótið fórum við nokkrar niðrí bæ til að halda gleðinni áfram. Var nú komin á skikkanlegum tíma heim og þakka ég guði fyrir það í dag því heilsan hefur ekki verið með besta móti.

Ég harka af mér enda stóratburður að gerast í kvöld sem ég má sannarlega ekki missa af.

Minn unaðslegi 4F úr MA ætlar að hittast, fara út að borða og svo í partý og hver veit svo hvað gerist. Kvöldið endar örugglega á einhvern skemmtilegan hátt enda fokkarar ekki þekktir fyrir annað en að vera með óskunda og ólæti þegar þeir koma saman.

Mikið hlakka ég til!

Myndir úr Danaveldi

2007-02-27T23:20:00.001Z

Ákvað að ganni mínu að setja inn nokkrar vel valdar myndir úr ferð okkar systranna til veldis Margrétar Þórhildar. Ekki var sérlega erfitt að velja þar sem ég er asskoti léleg í að munda vélina. Njótið!

Alla hress að morgni dags í Leifsstöð, virðist þó örla fyrir einhverri þreytu hjá blessaðri.

Komin á kaf í bjórinn enda vani eða regla að fá sér einn áður en maður heldur af landi brott.

Alla naut útsýnisins á leiðinni í lestinni.

Systurnar kátar í keiluhöllinni

Þær fengu smá hjálp við að kasta/renna

Blessaðir danirnir áttu eitthvað erfitt með að skrifa nafn Oddnýjar

Faðirinn í kappakstursleik og já hann er með kórónu

Við hittum Rassmus Klump, hann var hress. Ásrún var þó ekki eins hress að hitta hann:)

Strax komið að heimferð. Burðardýrin okkar duglegu

Við systurnar á leið á völlinn

That's about it

Það sem á mann er lagt

2007-02-23T14:07:00.000Z

Þótt ekki séu nema rúmir 2 mánuðir síðan síðasta verkefna og prófatímabili lauk þá er fjandi erfitt að koma sér í þann gírinn aftur. Ekki bætir úr skák að skiladagur verkefnanna minn er 19 mars og því ágætis tími þangað til, sem á þó eftir að líða skuggalega hratt eins og venjulega.
Núna á ég einmitt að vera að svara spurningum uppúr þessari mjög svo spennandi bók huhumm en það er mér lífsins ómögulegt að byrja. Held ég þurfi almennilegt spark í rassgatið.

Hugga mig þó við það að ef ég verð ógurlega dugleg í dag og klára þessar spurningar get ég farið á safnarölt, án nokkurs samviskubits, í kvöld með nokkrum vel völdum stúlkum. Við ætlum að reyna að vera einkar menningarlegar í tilefni Vetrarhátíðar og nýta kvöldið í að þræða helstu söfn borgarinnar, ekki á hverjum degi sem maður gerir það.

150% hamingja

2007-02-20T17:16:00.000Z

Þessi færsla er skrifuð á litlu elskuna mína sem þökk sé Birni bróður Ingibjargar er komin aftur til mín heil á höldnu ferskari sem aldrei fyrr.

Ég er líka hress sem fress enda endurnærð eftir skottúrinn minn til veldis Margrétar Þórhildar. Kom heim seint á sunnudagskvöld nokkrum þúsundköllum fátækari og 150% hamingjusamari enda fátt betra en að fá að eyða heilli helgi með fjölskyldunni í bláa húsinu. Litlu frænkur mínar voru yndislegar sem aldrei fyrr og get ekki beðið eftir að hitta þær næst. Vonandi ekki nema 3 mánuðir í það.

Nú er hinsvegar venjuleg vika tekin við eða kannski ekki svo venjuleg vika þar sem í henni eru bolludagur, sprengidagur og öskudagur. Fékk mér bollu í gær og planið er að fara eitthvert og fá sér saltkjöt á eftir þar sem við Ingibjörg hættum okkur ekki í eldamennskuna sjálfar. Á morgun er svo öskudagur og veit hreinlega ekkert hvernig hann verður. Verð í vinnunni fyrripart dags og efast ekki um að þar verður eitthvert húllumhæ, spurning hvort maður eigi að mæta í búning.

Sem vængbrotin fugl...

2007-02-13T18:46:00.000Z

...eða svona næstum. Minn trygglyndi vinur sem hefur fylgt mér í gegnum súrt og sætt er veikur sem stendur. Hve alvarlega veit ég ekki. Vinurinn sem ég er að tala um er tölvan mín. Blessaður öldungurinn á eitthvað bágt þessa dagana og bíður þess að komast á heilsuhæli í von um einhvern bata. Ég vona bara hið besta en þangað til verð ég víst ekki mikið á veraldarvefnum og upplifi mig hreinlega eins og ég sé ekki í sambandi við umheiminn. Ég lifi þó af með hjálp annarra góðra vina.

Er einmitt stödd hjá Ingibjörgu minni sem stendur og nýti mér góðvild hennar. Blessunin ætlar að bjóða mér í rómantískan kvöldverð, dýrindis Dominos pizzu. Það er sko gott að eiga góða að.

Svo styttist í utanför mína en ég mun leggja í ann til Danaveldis á föstudagsmorgun hvorki meira né minna. Ekki laust við að það sé komin flugfiðringur í mann, alltaf gaman að skipta aðeins um umhverfi.

En það er nóg sem heldur mér við efnið þangað til. Skóli, matarklúbburinn ,,Jiii er þetta Jói" og vinnan svo eitthvað sé nefnt. Maður getur víst ekki bara spólað áfram og sett svo á stopp við það sem er skemmtilegt, ó nei. Ekki samt misskilja, Jói er einn af þeim hlutum sem er unaður.

Undarlegur atburður í Bólstaðarhlíðinni

2007-02-06T16:30:00.000Z

Það er ekki hægt að segja annað en að mjög undarlegur atburður hafi átt sér stað í híbýlum mínum í dag. Og kannski ekki bara undarlegur heldur einnig nokkuð skelfilegur.

Þannig er að ég var með kveikt á kertum í gær, stórum kubbakertum, sem er ekki frásögu færandi. Nema hvað að ég slekk á þeim þegar ég fer að sofa. Þá var loginn á einu kertinu orðinn ansi lítill, hvað um það.

Ég vakna svo í morgun og fer í skólann. Kem heim í hádeginu og er heima í um klst og get ekki séð að það sé neitt óvenjulegt á seyði heima hjá mér. Ég kem svo heim úr skólanum um 3 í dag og það er ekki fyrr en klst síðar sem ég kem auga á svolítið furðulegt, algjörlega fyrir tilviljun.

Það er nefnilega ennþá kveikt á einu kertinu. Svoldið spúkí verð ég að viðurkenna. Sem betur fer var ekkert eldfimt mjög nálægt kertinu, sérstaklega ef það hefur verið kveikt á því síðan í gærkvöldi. Mér finnst samt svo skrýtið að ég hafi ekki tekið eftir kertinu fyrr. Reyndar var loginn mjög lítill en come on það var búið að vera kveikt á kertinu í 17 klst og enn eftir slatti af kertinu sem var í minnsta lagi í gær.

Ég veit ekki hvað ég á að halda.

Getur kviknað aftur á kerti eftir svona langan tíma, ég bara spyr?

Oh Carola!

2007-02-01T19:18:00.001Z

Það er bara enginn flottari en hin sænska Carola. Það klikkar bara ekki neitt í þessu lagi.
Vindvélin skilar sínu, vængirnir í hárinu, doppótta skyrtan með glimmerinu, þríhneppta vestið, fjólubláu leggings, höfuðhnykkirnir, dansararnir fimu og sporin já sporin, klárlega spor sem þurfa að vera á hreinu næst þegar lagið verður blastað. Sem verður líklega fljótlega því ég verð bara að viðurkenna að ég hlusta ansi oft á þetta snilldar lag. Líklega besta Eurovisionlagið til þessa og er hrædd um að við eigum aldrei eftir að toppa þetta.
Það er ekki annað hægt en að elska þetta.

Blessaður maðurinn

2007-02-01T18:58:00.000Z

Ég veit að litla systir verður ekki sátt við mig núna en hvað um það.

Ég bara get ekki orða bundist. Þessi maður getur farið alveg í mínar fínustu.

Afhverju þarf hann alltaf að vera svona kjánalegur þegar hann kemur opinberlega fram. Má nú eiga það að þegar hann er að syngja er hann þolanlegur enda er minna um tal þá og aðra tjáningu fyrir utan sönginn. En nú hef ég séð hann á tveimur verðlaunaafhendingum uppá síðkastið, Eddunni og Íslensku tónlistarverðlaununum og í bæði skiptin fékk ég hrikalegan kjánahroll.

Flestir vita nú hvað gerðist á Eddunni, já brandarinn hans góði um að vera ,,Fallinn" fyrir henni Hrafnhildi sinni. Svo var hann á tónlistarverðlaununum í gær og gat hreinlega ekki farið upp á svið án þess að vera pínu kjánalegur. Nei þegar hann er rétt kominn uppá það stoppar hann og tekur smá BOX og heldur svo áfram. Kjánahrollur á háu stigi þar.

Blessaður Bubbi ætlar víst að reyna halda kúlinu fram í rauðann dauðann eða hvað, kannski ekki svo kúl kallinn minn.

Árinu eldri

2007-01-28T12:35:00.001Z

Það verður víst ekki flúið að maður verður eldri með hverju árinu sem líður og á föstudaginn náði ég þeim merka áfanga að verða 24 ára. Hvorki meira né minna. Gat ekki séð að ég hafi stækkað neitt um nóttina, hinn almáttugi hefði alveg mátt sjá af eins og 4 cm handa mér þetta árið en ég lifi af þótt lítil sé.
Ég vil nota tækifærið og þakka þeim fjölgmörgu sem mundu eftir mér á afmælisdaginn, þið hin sem gleymduð mér ég hef skrá yfir ykkur og eitthvað stórkostlegt þarf að gerast svo ég fyrirgefi ykkur:)
Afmælisdagurinn var einkar notalegur. Vaknaði og skellti í eina súkkulaðiköku og gerbollur. Ingibjörg, Helena, Kristjana og Margrét komu svo og gæddu sér á veitingunum. Ingibjörg var svo elskuleg um kvöldið að elda handa mér dýrindis afmælismáltíð.
Í gærkvöldi var svo dansæfing hjá okkur stelpunum. Við gerum okkur nefnilega af og til dagamun og förum á skemmtistaði bæjarins sem hafa yfir að ráða öflugum skífuþeyturum og tökum nokkur velvalin dansspor. Gott ef ég hafi ekki tekið allmörg af þeim sem "Daddi dansari" sýnir hér að ofan. Í annað skiptið á stuttum tíma var ég allsgáð á öldurhúsum bæjarins og er ekki frá því að það sé hin eina rétta leið. Allavega skemmti ég mér ekkert síður en annars og dagurinn í dag er mun betri en þeir sunnudagar sem ég hef upplifað í þynnku og ógeði.
Því segi ég "Fleiri áfengislausar dansæfingar fyrir mig" heyr heyr!
Komst líka að að dansæfingar sem þessar jafnast alveg á við nokkra klukkutíma í ræktinni og eru meira að segja mun skemmtilegri en það. Ég virðist allavega hafa tekið ansi vel á því ég er með harðsperrur um allan líkamann í dag. Veit ekki hvort það sé bara dansæfingunni að kenna eða hvort aldurinn spili líka inní. Hver veit?

Fagrar erum við vinkonurnar

2007-01-25T10:47:00.000Z

Höfundaréttur:Auður Þórsdóttir

Já það er ekki hægt að segja annað.
Til að útlista þetta betur þá á:
Hulda: ,,Mér finnst fyndið að fá blóðnasir" ársins
Ingibjörg: ,,Mig vantar karlmann" svipur ársins.
Ég: ,,Sexy-look" ársins (en ekki hvað!)
Kristjana: ,,Andsetin augu" ársins og ,,Nautnasvipur" ársins
Dellan: ,,Hlátur" ársins
og að lokum engin önnur en Auður sjálf
,,OMG" ársins.

Þessi verðlaun fyrir árið 2006 voru veitt af Auði og efast ég ekki um að verðlaunin verði ekki af lakara taginu. Bíð spennt eftir þeim:)