Tataramtaaa

Þá er komið að því enn eina ferðina. Próftíðin ógurlega er hafin í öllu sínu veldi. Tek þrjú próf þetta skiptið og er það fyrsta á morgun, næsta á fimmtudag og síðasta á föstudaginn í næstu viku.


Vil vekja athygli á að það er stranglega bannað að haga sér eins og fólkið á myndinni hér fyrir ofan þegar maður er að taka próf. Þar sem fyrsta prófið mitt er heimapróf þá á ég afskaplega erfitt með að svindla á þennan hátt. Geri mér bara lítið fyrir og tala við bekkjarfélaga mína ef mig vantar hjálp. Guði sé lof fyrir msn á svona tímum.

Ég er allavega hress sem fress og tilbúin í slaginn.

Ykkur lesendum góðum til yndisauka og fróðleiks þá er ég að fara í próf í Aðferðum í starfi með fötluðum á morgun, á fimmtudag er próf í Fötlunum og taugasjúkdómum og síðasta prófið er um Geðraskanir.

Góðum straumum og hlýjum hugsunum er einstaklega vel tekið, ég mun einnig hugsa til ykkar.