miðvikudagur, janúar 10, 2007

Jedúdda

Ótrúlegt hvað hlutirnir geta breyst á örskömmum tíma. Fyrir minna en klukkutíma síðan pantaði móðir mín ferð fyrir okkur systurnar til Århus hvorki meira né minna. Ég sem var ekkert á leið þangað í bráð. Verður reyndar ansi mikill skottúr í þetta sinn. Rétt skellum okkur frá föstudegi til sunnudags, 17-19 feb. Verðum þó nógu lengi til að knúsa sætustu stelpurnar í Danaveldi og þótt víðar væri leitað.



Aðaltilgangur ferðarinnar er einmitt að passa systurnar eina kvöldstund svo foreldrarnir komist á þorrablót Íslendingafélagsins. Skemmtilegra að þau fari þangað þar sem heimilisfaðirinn er nú í þorrablótsnefndinni. Það mætti halda að það væru ekki til barnapíur í Århus, hugsa bara að þær séu ekki eins færar og við.

Ég græt það allavega ekki að fá að skreppa í helgarferð og kíkja kannski einn hring í H og M.

Jey!

6 ummæli:

Nafnlaus sagði...

Þetta á eftir að vera unaðsleg ferð hjá okkur systrunum....en svona aðeins til að leiðrétta þig þá er þetta 16-18 febrúar:D Hlakka til:D
kv. Alla

Nafnlaus sagði...

Þar sem þú ert svo dugleg við að ávaxta peningana í H og M elsku systir viltu þá minna mig á að láta þig hafa H og M kortið mitt svo ég græði kannski eitthvað á þessu.

Nafnlaus sagði...

Hvernig væri svo að fara að stoppa í Köben...hættu að panta þér svona stuttar ferðir;) Hulda

Nafnlaus sagði...

Já Hulda mín það hlýtur að koma að því. Bæði í síðasta skiptið og núna þá var það ekki ég sem pantaði þannig að það er ekki við mig að sakast.

Nafnlaus sagði...

Fljugidi a Billund eda getum vid farid i sleik a Kastrup ?

Nafnlaus sagði...

ja... thetta er Audur ;)