,,Do I look like I give a damn"

Afhverju í ósköpunum er tíminn svona fljótur að líða akkúrat þegar hann hreinlega má það ekki. Þar sem líður óðum að prófum þá er alveg feikinóg að gera og sólarhringurinn nægir mér bara ekki. Viss um að fleiri eigi við sama vandamál að stríða. Ég setti mér t.d. markmið um helgina og hef ekki náð að klára nema rétt tæpan helminginn af því sem átti að gera. Ótrúlegt alveg hreint. En í stað þess að koma mér bara að verki í dag þá sit ég og skrifa hérna, skörp Særún!

Tók mér þó smá frí frá lærdómnum í gærkvöldi og skellti mér á Bond í fríðu föruneyti. Bondinn er heitur, alveg eldheitur. Daniel er sko enginn eftirbátur forvera sinna. Er enginn svakalegur Bond aðdáandi og hef því ekkert miklar skoðanir á honum en ég var ánægð með myndina. Gaman að sjá Bondinn harðann en samt svo mjúkann. Hann klikkar allavega ekki og fær mann alveg til að renna smá í sætinu. Mæli því eindregið með því að fara á Casino Royale.

Heitur, já alveg eld-sjóðandi-kraumandi-fuuuun HEITUR.

Yndislegt veðrið í dag, ekki amalegt að vakna af værum svefni og allt er orðið hvítt úti. Fátt betra en að sitja inni í svona veðri með kveikt á kertum og drekka gott kaffi svona rétt áður en maður dembir sér í lærdóminn.

Koma svo!